قضا مازدیګر چې د لمر وړانګې په ژېړېدو او لوېدو وې، پر بهسودو پل ښار ته د غځېدلي واټ پر غاړه د ملي اردو سرتېری محمد عمر بیدار او په تیارسئ حالت کې ولاړ و. ښار ته تلونکي موټر، پلي او سپاره یې په غور څارل. په چا به یې چې شک راغی، نو هغه به یې پلټه او بیا به یې د تګ او نه تګ اجازه ورکوله.
د سړک په بله غاړه یې په پلي روان کس د ځانمرګي شک راغی، محمد عمر په منډه ورغی، مخې ته یې ودرېده، غېږ یې ترې چاپېره کړه، د خلکو له ګڼې ګوڼې یې ګوښې ته کړې مازې یې چې خپل لاسونه سست کړل، نو مشکوک ځانمرګي خپل ځانته چاودنه ورکړه.
د واټ غاړه سرو وینو ونیوله. دا د محمد عمر وینې وې، د ملي اردو د اتل او زړور سرتېري. د هغه سرتېري چې د خپلو هېوادوالو د ژغورنې لپاره یې ځان سپر او خپل ژوند نذرانه کړل. محمد عمر کولای شوای چې د مشکوک ځانمرګي ځان ناګاره کړي، هغه ته مخه ورکړي او خپل ځان وژغوري، مګر هغه ځکه دا کار ونه کړ چې له خپل هېواد او ولس سره کړې ژمنه یې سترګو ته ودرېده.
محمد عمر له خپل هېواد او ولس سره لېونۍ مینه لرله، داسې مینه چې هغې ته د رسېدو په برخه کې یې د خپل مرګ پروا هم ونه لرله، په مېړانه او هسکه غاړه خپل مرګ ته ور غاړې وت، ځکه هغه له خپل ولس او هېواد سره ژمنه کړې وه، د دوی دفاع یې خپل مسوولیت او مکلفیت باله او اتل محمد عمر نن خپل مکلفیت او مسوولیت تر بل هر چا ښه ترسره کړ.
محمدعمر د اتلولۍ، سرښندنې او وطن پالنې ژوندی او ښه بېلګه ده. د ده په څېر زرګونه سرتېري لا هم د امنیتي او دفاعي ځواکونو په لیکو کې پر خدمت بوخت دي او شپه ورځ د دښمن دخطرونو د دفعه کولو په برخه کې خپل څانونه نذرانه کوي.
زموږ د امنیتي او دفاعي ځواکونو د دغو سرښندنو، اتلولیو او ژمنې د پوره کولو له برکته ټول هېوادوال په غوڅ اکثریت د دوی تر شا ولاړ دي، د دوی ملاتړ او قدرداني کوي او په هر قېمت چې وي خپل ځواکونه یوازې نه پرېږدي.
وطن پالنه په شعارونو او ډېرو ایتلافونو نه ده، وطن پالنه ژمنتیا غواړي، زړه او سرښندنه غواړي، کټ مټ د محمد عمر په څېر. زموږ سیاسیون دې وطن پالنه د محمد عمر له سرښندنې زده کړي. دوی دې پر ولس د سوداګرۍ، د ولس سترګو ته د خاورو شیندلو او د ولس د تېرېستلو او بدمرغه کولو پرځای د اتل محمد عمر په څېر د ولس د خوندیتوب، هوساینې، دفاع او سوکالۍ لپاره ځانونه سپر کړي.
زموږ ولس عادل ولس دی، په هیڅ قېمت د خپلو خدمتګارانو خدمت نه هېروي. چا چې د هېواد او ولس په برخه کې صادقانه خدمت کړی ولس تل د هغوی یاد ژوندی ساتلی او هغوی ته یې په خپلو زړونو کې ځای ورکړی دی. له پرون راهیسې موږ ګورو چې په رسنیو کې د ملي اردو د اتل سرتېري محمد عمر د سرښندنې پراخ هرکلی او قدرداني وشوه. دا ولس حافظه لري او تر پخوا زیات هوښیار او بیدار شوی دی، سیاسیون دې د دې ولس د تېرېستلو هڅه نه کوي، بلکې د اتل محمد عمر په څېر دې خپله ژمنیتا ، وطن پالنه او سرښندنه ثابته کړي. زموږ د ملي اردو هر سرتېری د اتل محمد عمر په څېر زړور او وطن پال دی او ځکه خو ولسمشر غني د ننګرهار د امنیتي وضعیت له خرابېدو وروسته د ننګرهار امنیت ملي اردو ته وسپاره.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
