سردار محمد همدرد-
زموږ د هیواد په تاریخ کې زموږ د هیواد لوی ستونزې په جرګو حل سوي دي.
جرګې د دې هیواد یو ډیر عادلانه او د وطن د ملي ګټو ته په کتو سره یو ډیر ښه دود دی او دا دود په افغانانو کې تر هر چا غښتلی دی.
د لوی جرګې بنسټ د هیواد داسې یو بچي، یو ځوان احمد خان چې بیا یې د بابا لقب غوره کړ، په ډیر هنر کیښود.
دا داسې یو حالت وو چې دې خواخوږي مشر په ډېر هنر هم د ایراني نادر افشار په پوځ کې شامل و او هم یې استقلال واخیست، په دې وخت کې د اقوامو اختلافات اوج ته رسیدلي وه، د په شیر سرخ کې لویه جرګه جوړه کړله، د هیواد مشران یې راټول کړل او تر یوې هفتې زیات بحث کې دې نتیجې ورسیدل چې د افغانستان ملت په یوه خوله دا ستر مسؤلیت دې ستر انسان ته وسپاري.
هغه په ډېر قوي مدیریت سره لومړی د افغانستان ملي وحدت یقیني کړ او بیا یې لویه امپراطورې جوړه کړه.
اوس راځم خپلې اصلي خبرې ته، اوس چې بیا د هیواد یو سرنوشت ساز وخت راغلی دی، د سولې خبرې پیل سوي دي د ولس سره مشوره پکار ده، که څه هم یو تعداد خلک لویه جرګه د پخواني ولسمشر ښاغلي حامد کرزي ّ غوښتنه بولي، خو زه وایم دا یواځې د ده نه بلکې د ملت غوښتنه هم ده، زموږ په هیواد کې باید دا سیاسي اخلاق موجود وي ، په ملي مسایلو کې باید له حوصلې کار واخیستل سي، زه په هغه ادرس خبره نه کوم، زه فقط د یو افغان په حیث دا خبره کوم چې تر سولې نه سرنوشت سازه موضوع بله کومه موضوع ده؟
د حکومت څخه مې هیله دا ده چې په ملي مسایلو باید عکس العملونه ونه ښایي!
د وطن د ملي ګټو په خاطر باید يو څه ترخه حقیقتونه ووایو.
دا اوس چې د سولې خبرې پیل سوي دي، موږ د طالبانو د دې دوه ټکو سره مخالفت کړی دی چې وایي له حکومت سره نه کښینو، یا وایې چې قهرمان امنیتي ځواکونه له منځه وړو!
په پای کې دا وایم د هیواد په ملي او سرنوشت سازه مسایلو کې دا د هر افغان مسؤلیت دی چې باید خپل مسولیت ادأ کړي.
هم باید سوله وسي او هم باید هغه څه وسي چې د افغانستان ملت یې غواړي.
ما دا مقاله درې ورځې مخکې لیکلې وه، خو خپره کړې مې نه وه.
نن مې چې د ولسمشر له لورې د مشورتي لوی جرګې خبر واوریدو چې رښتیا سې ډیر خوشحاله سوم، اوس ورته یوه بله مشوره هم ورکوم!
که غواړې چې دا جرګه ښې پایلې ولري، کوشش باید وسي چې د ملت رښتیني او وطن دوسته اشخاص په کې ګډون وکړي او که داسې وي چې د سلیقې په خاطر یو تعداد خلک نفي سي او یا د حکومت لخوا جرګه سانسور سي دا کار به زموږ د هیواد نورو تاریخي جرګو حیثیت ته زیان ورسوي، ډېره ښه پریکړه ده، سیاسیون او د افغانستان ملت باید د دې تاریخي پریکړې هرکلی وکړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
