د خوشاله خلکو په اړه ویل شوي دي چې تر هغو خلکو ډېر څه ترلاسه کوي چې خپه دي. دا خبره ترډېره ځایه سمه ګڼل شوې ده. په دلیل کې یې ویل شوي دي چې د تاریخ پاڼې له هغو خلکو ډکې دي چې د خوشاله او ښه اقتصادي ژوند له امله یې پرمختګ کړی دی. د لرغوني یونان افلاتون او د نوبل جایزې ګټونکی رابندرناتهـ ټاګور ددې ډلې ښه مثالونه دي.
پوښتنه دا ده چې خوشالي به څنګه ترلاسه کوو؟
د خوشالۍ په ترلاسه کولو کې اسلامي کلچر او مذهب ډېره مرسته کړې ده. په حدیث شریف کې راغلي دي چې مسلمان سره په ورین تندي مخامخېدل صدقه ده. بل ځای کې مور و پلار ته په مینه کتل تر قبول شوي حجه لوی د ثواب کار ګڼل شوی دی. که وګورو نو په دې دواړو مواردو کې د عاطفې او مهربانۍ سین په څپو ښکاري، چې په پایله کې د خوشالۍ سمندر ته ورتویېږي.
له مذهب سره سره ارواپوهنې هم د خوشالۍ لپاره ګڼې لارې راښودلې دي، لکه په اونۍ کې پنځه ځلې مهرباني کول چې موخه ترې یوازې نرمي، عاطفه او نورو سره مینه وي، زمونږ د خوشالۍ موده تر درېیو میاشتو راغځولای شي.
خوشالي په پیسو نه شو اخیستلای، خو کله کله د خوشالۍ په ترلاسه کولو کې پیسې مرسته راسره کولای شي، مثلا: که مونږ په ځان مصرف کوو، ممکن هغومره خوشالي ترلاسه نکړو، لکه څومره چې په نورو باندې له مصرفه ترلاسه کوو.
د عمر کچه هم په خوشالۍ کې بې اغېزې نه ده. څېړنو ښودلې هغوی چې له ۲۰-۲۴ کلونو عمر لري، معمولا په میاشت کې ۳.۴ ورځې خپه وي او څوک چې عمرخوړلي دي او عمر یې د ۶۵-۷۴ کلونو ترمنځ دی، معمولا په میاشت کې ۲.۳ ورځې خپه وي.
مدني حالت هم په خوشالۍ باندې اغېزلرونکی ګڼل شوی دی. څېړونکي وایي متهل انسان تر مجردو هغو ډېر خوشاله وي. د دې ترڅنګ هغه ماشومان چې مور و پلار یې په غېږ کې نیسي تر هغو ماشومانو خوشاله راتلونکی لري چې له دې نعمته محرومه دي.
د دې لیکنې اصلي پیغام دا دی چې نورو ته خوشالي ورکړئ، ځکه هغه خوشالي چې تاسو یې نورو ته ورکوئ، بېرته تاسو ته راګرځي او ستاسو د خوشالۍ سبب ګرځي. که د خوشالۍ دغه دوران چې سپارښتنه یې وشوه دوام وکړي، ممکن ډېرې حیرانوونکې پایلې ولري.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
