پښتنې میندې دې پاڅي زوی د ې راوړي
د لایق پشان یو ستر زوی د افغان
هسې زوی چې ویاړ، شمله د ټول ملت وي
ویاړ د ووړ وي، ویاړ د زوړ وي ویاړ د ځوان
که څه ویاړ دی، پیرزوینه یا لورنه
په ریښتیا سره يې لایق دی سلیمان
د ده شعر د زړه غږ دی د زیارکښو
د کارګرو، کسبګرو د د هقان
یوه شپېلۍ ده چې درو منځ کې غږیږي
د پونده وو، د شپنو د زړه داستان
پښتنې میندې دې خوښې وي کور کې
چې لایق لري د زړونو ترجمان
ټول شعرونه يې له یوه سره تر پایه
یو غورځنګ دی یو پاڅون دی یو ټکان
هر کلام يې یو صحنه د معرکې ده
له دښمن سره د لاس و د ګریوان
هر مصرع يې یو ترسیم دی یو انځور دی
د دښمن په کور د کاڼو د باران
یو تصویر دی چې ماهر عکاس اخیستی
له دښمن څخه چې تښتي له میدان
هر یو بیت يې تر ایرو لاندې سکروټه
د چوپتیا تر شا په لاره دی توپان
یوه چیغه د ازاد ملت د خولې ده
یو هیبت دی، زلزله ده یوهیجان
یوه کوکه ده، مقام له اسرافیله
چې راویښ کړي له اوږده خوبه افغان
یوه څړیکه د تاریخ له پرهارو ده
یوه کړیکه ده د لروبر افغان
یو فریاد دی د مظلوم زړګي له تله
یو غبرګون دی د ظالم په لور هر ان
یوه کرکه له وحشت او بربریت ده
یو نفرت دی مقابل کې د شیطان
یو شهاب دی چې ویشتلی پریښتې دی
د شیطان په لور له څنډو د اسمان
یوه مینه ده وروری ده خلکو منځ کې
یو دوستي سراسري ده د انسان
هر غزل يې په ښکلا تر نورو ښکلی
د ښکلاوو نندارتون يې دی دېوان
یو ډېوه ده چې به تل مدام بلیږي
ترې جاریږي به د شعر پتنګان
یو شغله ده چې رڼا يې ابدي ده
یو لمبه ده جګه شوې تر اسمان
هسې ګل دی چې به تل بڼ کې تازه وي
نه يې باد شي رژولی نه خزان
هر یو شعر به یې په زړونو کې خوندي وي
څو ژوندی چې یو پښتون وي په جهان
زمانې که موږ ته تېر وخت خوشال راکړ
ستر لایق زموږ د وخت دی خوشال خان
د ۲۰۲۰ کال د جولای ۳۱ مه
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
