ښځو پر وړاندې د طالبانو دریځ لا هم پخوانې دې

د غزنې ولایت د پوهنې ریاست مالومات ښيي چې د غزني په دیارلس پښتون میشتو ولسوالیو کې طالبانو د نوي ښوونځیو د ودانیو جوړیدو مخه نیولې ده .

دا لومړی ځل نه دی چې طالبان د پوهنې د پراختیا او اسانتیاوو رامنځ ته کولو مخنیوی کوي، بلکې تر  دې وړاندې یې روغ ښوونځي په بمونو الوځولي دي.

طالبان د ښوونځیو ورانولو تر څنګ په لوګر کې تازه شاوخوا ۳۲ ښوونځي تړلي چې زده کوونکو ته د ښوونځیو د ورتګ اجازه نشته.

د غزني پوهنې ریاست وایي ، چې دغه ښوونځي د اقرآ پروګرام له مخې د کلیو پراختیا وزارت له لوري جوړیږي ، چې څلور ولسوالیو کې دغه پروګرام پلی شوی او یوازې پښټون میشتو ولسوالیو کې مخه نیول کیږي .

پوهنې ریاست همدا راز وایي ، چې طالبانو له کلونو راهیسې لس پښتون میشتو ولسوالیو کې د نجونو د زده کړو مخه نیولې او د ښوونځیو جوړیدو اجازه نه ورکوي .

د غزني پوهنې رییس محیب الرحمن انصار وایي ، چې طالبانو د دغه ولایت ۱۳ پښتون میشتو ولسوالیو کې د ۹۰ ښوونځیو د ودانیو جوړیدو مخه نیولې ده .

د غزني اوسیدونکي پښتون میشتو ولسوالیو کې د دغه ۹۰ ښوونځیو د ودانیو پر جوړیدو ټینګار کوي او وایي ، چې کار چارې یې ژر پیل نه شي نړیوال بانک به دغه پروژې لغوه اعلان کړي .

د غزني پوهنې رییس محیب الرحمن انصار وایي ، چې طالبانو له کلونو راهیسې ۱۰ پښتون میشتو ولسوالیو کې د نجونو د زده کړو مخه نیولې او د ښوونځیو جوړیدو اجازه نه ورکول کیږي .

طالبان له پوهنې سره مشکل لري، ځکه کله چې ماشومان او ځوانان زده کړې وکړي، بیا د طالبانو فریب نه خوري او نه شي کولی چې د جګړې لپاره یې استخدام کړي.

طالبان تر خپل کنټرول لاندې سیمو کې ښوونځیو ته ځکه اجازه نه ورکوي، بیا ځوانان په ژوند او کلتور باندې پوهیږي او طالبان ترې ګټه نه شي پورته کولی.

د طالبانو لپاره جاهله ټولنې پکار ده چې هغوی يې په اسانۍ سره د خپلو موخو لپاره وکاروي او جاهله ټولنه همداسې پيدا کیږي چې ښوونځي پرې وتړه او له زده کړو یې راوګرځوه.

طالبان پوهیږي، که خلک لوستي شي، د دوی د جګړې لپاره به بشري قوه بیا نه پيدا کیږي او له همدې کبله په یوه او بله پلمه باندې یا ښوونځي ورانوي او یا ښوونځي تړي.