ولسمشر محمد اشرف غني وايي، ملګري ملتونه دې په واقعي مانا د سولې په تړاو مذاکراتو ته د وسلهوالو حاضرېدو په موخه، پر دغه ډله يو لړ بنديزونه وضعه کړي.
نوموړي چې تېره شپه يې د ملګرو ملتونو امنيت شورا غونډې ته د ويډيو کنفرانس له لارې خبرې کولې وويل، دغه بنديزونه یوازې هغه مهال اغېزناک واقع کېدای شي چې د سولې روان بهیر په میکانېزم کې هر بدلون په ياده پروسه کې د ملموس پرمختګ پر بنسټ وي.
ولسمشر غني سولې ته رسېدل د افغان دولت لومړيتوب وباله او ټينګار يې وکړ چې د ملګرو ملتونو سازمان دې يو وار بيا پر وسلهوالو طالبانو د اوربند کولو غږ وکړي. له ارګ څخه د ولسمشر غني دې څرګندونو په اړه خپره شوې خبرپاڼه کې زياته شوې:
«د ملګرو ملتونو سازمان امنیت شورا له جګړې د خلاصون لپاره په تېرو دوو لسیزو کې د یو باثباته ملاتړي په توګه زموږ حمایت کړی او په دې برخه کې ستاسو د پاملرنې د دوام، هڅو، شفافیت او دوامداره پرېکړه لیکونو مننه کوم.»
په داسې حال کې چې د سولې له بحث سره سم په افغانستان کې د جګړې شدت هم زيات شوی افغان حکومت هڅه کوي چې له سياسي لارو د تاوتريخوالي کمولو ترڅنګ پايدارې سولې ته د رسېدو په موخه سيمهييزه او نړيواله اجماع هم ثابته وساتي.
دې هڅو ته په پام ولسمشر غني ټينګار کوي چې د جګړې د پایته رسېدو، بیا ادغام، سولې او پایداره ثبات، بشري حقونو ته د درناوي او له ټولو مهم دا چې افغانستان بیا د ترهګرو په خوندي پټنځای بدل نه شي، له افغانستان د ملګرو ملتونو سازمان ملاتړ او ژمنتیا مهمه بولي.
ولسمشر غني په دې اړه زياته کړه: «د افغانستان د سولې په اړه نننۍ غونډه د دې ښودونه کوي چې د ملګرو ملتونو امنیت شورا سولې او ثبات ته د افغانستان د رسېدو لپاره پیاوړې ژمنتیا لري.»
ولسمشر غني دغه راز له افغان دولت په هر اړخيزه برخه کې د نړيوالې ملاتړ او د همکاريو دوام په ستاينې سره زياته کړه چې دامهال دغه ټولنه دې نتیجې ته رسېدلې چې افغانستان د جګړې ختمولو په هدف یوې سیاسي حللارې ته ورسېږي.
د افغانستان سولې په اړه د ولسمشر غني دا څرګندونې داسې مهال دي چې ۲ ورځې وړاندې د پاکستان لومړې وزير عمران خان هم د خپل سفر په ترڅ کې ډاډ ورکړ، هېواد به يې د افغانستان سولې په برخه کې له هغه څه زياته همکاري وکړي چې افغان ولس يې تمه لري.
له دې سره ځينو سرچينو هم رسنيو ته تائيد کړې چې له اوږده ځنډ وروسته په قطر کې افغان حکومت او طالب مرکچيان د سولې مخامخ مذاکراتو په هدف طرزالعمل بشپړ او په اړه يې هوکړې ته رسېدلي دي.
که څه هم تر اوسه په دې اړه هېڅ لوري جزيات نه دي ورکړي، خو سرچينو ويلي چې د ياد طرزالعمل لومړنی اساس د قطر هوکړه او دويمه هغه يې بيا د افغان ولس غوښتنې او اراده ده.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
