ایران د افغانستان په لویدیځو ولایتونو کې لاسوهنې پراخه کړي او طالبانو ته د ورانکاریو لپاره امکانات او روزنه ورکوي.
تازه د طالبانو یوه ډله ایران ته د مسافرو په جامه کې تللې او هلته د ایران د سپاه پاسداران له لوري روزنه ترلاسه کوي.
د طالبانو دا وسله والو د هغې تړون او سفر په تعقیب تللي چې څه وخت وړاندې د طالبانو یو پلاوی ایران ته تللی و او هلته یې له ایراني چارواکو سره د افغانستان جګړې په طرزالعمل او راتلونکو پلانونو باندې خبرې کړي.
د ملا برادر په مشرۍ د طالبانو پلاوی چې ایران ته تللی و، هلته یې له ایراني چارواکو سره د جګړې په بدل کې د امتیازاتو او پيسو چنې وهلي دي.
ایران ځینې مشخص اهداف طالبانو سپارلي چې افغانستان کې یې ورته لاس ته راوړي، په بدل کې به ایران طالب وسله والو ته روزنه ورکوي، ځینو عصري وسلو ټکنالوجي به ورته ښيي او په دې برخه کې به یې روزي او د دې تر څنګ به ایران مکلف وي چې ځینو برخو کې د طالبانو جګړه تمویل کړي.
تر دې وړاندې د ایران د سپاه پاسداران یوه ډله د طالبانو په همکارۍ هلمند ولایت ته راغلې وه او بیلابیلو ولسوالیو کې یې د طالبانو له ځینو مرکزونو لیدنه کړې او طالب وسله والو ته یې ځینې مهارتونه ښودلې دي.
ایران دا کار د دې لپاره کوي چې اوس تر سخت فشار لاندې دي چې افغان حکومت به اوبه مدیریت کړي او د دوی ځمکو باندې به اوبه کمې شي.
ایران افغانستان کې ډير اهداف لري، خو مهم هغه یې د افغانستان د اوبو د مدیریت مخنیوی دی چې ایران یې سخت وارخطا کړی دی.
طالبان چې هیڅ د وطن او هېوادوال کیسه کې نه دي، یواځې شخصي ګټې ورته مهمې دي او د دې لپاره یې له ځانونو کرایي قاتلین او وطن رانوونکي جوړ کړي دي.
طالبان په دې ښه پوهیږي چې ایران او پاکستان د افغانانو ازلي دښمنان دي او هیڅکله نه غواړي چې افغانستان کې ثبات راشي، د همدې لپاره هر هغه چا ته وسلې او امکانات ورکوي چې افغانستان کې جګړه کوي.
طالبان هم په دې پوهیږي، خو دا چې شخصي ګټې یې له خطر سره مخ دي، له هر هېواد سره هر ډول معامله کوي.
طالبان چې د سولې پروسې ته نه پريښودل کیږي، یو لامل دا دی چې سوله کې د دې دوه هېوادونو ګټې نه خوندي کیږي او جګړه کې یې زیاتې ګټې خوندي دي.
طالب له سولې راګرځول کیږي او د جګړې لپاره امکانات ورکول کیږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
