پاکستان څه ثابت کول غواړي؟

سیدعبدالله پاچا

995

وروستیو کې د پاکستان یو لوړپوړي چارواکي د افغانستان د ملي امنیت سلاکار ډاکټر حمدالله محب په څرګندونو باندې سخت غبرګون ښودلی و او بهرنیو رسنیو سره یې د نوم نه ښودلو په شرط ویلي و چې له حمدالله محب سره نور هیڅ ډول رسمي اړیکې نه ساتي، ځکه هغه په پاکستان باندې بې ځایه تورونه لګوي.

د پاکستان دې دريځ ته د ډاکټر حمدالله محب ځواب ډير ساده او واضح و چې که پاکستان غواړي چې همکاري وکړي، نو د افغان حکومت سره د اړیکو پریکولو پر ځای دې له ترهګرو ډلو سره اړیکې پرې کړي.

پاکستان تراوسه پر افغان لوري هیڅ نه شي ثابت کولی چې د سولې پروسه او ترهګرۍ ضد مبارزه کې یې کومه همکاري کړې ده.

کلونه د پاکستان له لوري له افغان حکومت سره تکراري د همکاریو او اړیکو پراختیا ژمنې وشوې، خو تراوسه پاکستان په دې برخه کې عملي ګامونه وا نه خیستل، دا هغه څه دي چې د پاکستان نیت په ډاګه کوي.

پاکستان کې د ترهګرو پټنځایونه او مرکزونه ښکاره دي، پاکستان کې د کویټې، کراچۍ او پیښور شوراګانې ښکاره مجلسونه کوي او له هغه ځایه د افغانستان جګړه رهبري کوي، خو د پاکستان ګام د دې شوراګانو پروړاندې څه دی:.

ګام خو هیڅ نه اخلي، بلکې برعکس، ورسره همکاري کوي چې څنګه کیدلی شي، افغانستان کې تاوتریخوالی زیات دي، د پاکستان استخبارات له خپلو چینلونو څخه ګټه اخلي او طالبانو ته د جګړې بشري قوه برابروي.، دغه راز پاکستان ریاست د ډیورنډ پر کرښه اغزن تار تیر کړی، خو ترهګرو ته یې پکې د تګ راتګ ځایونه پريښي دي.

افغانستان به د پاکستان د اړیکو دوام او پراختیا ته اړتیا ولري، خو دومره نه چې هر ځل پاکستان سرغړونې کوي او افغانستان دې د پاکستان له دې سرغړونو هرکلی وکړي.

پاکستان هم مجبور دی چې له افغان لوري سره اړیکې ولري او دا اړیکې باید په دوه اړخیزو ګټو استواره وي، کله چې ګټې یو اړخیزه وي، هغه اړیکې تر نیمایي لارې وي او پرې کیږي.

تاسو به لیدلي وي چې د ملي امنیت شورا سلاکار حمدالله محب له څرګندونو افغانانو څنګه تود هرکلی کړی دي، له دې مالومیږي چې د ډاکټر محب څرګندونې د هغې شخصي نه بلکې د افغانانو غږ و چې افغانانو سره بدرګه کړ.

پاکستان مجبور دی چې له ترهګرو ډلو سره اړیکې پرې کړی او که دا اړیکې دوام پيدا کړي، پاکستان ته یې زیانونه ډیر دي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.