طالبان له یو نوي وحشت سره

سیدعبدالله پاچا

853

تازه طالبانو د ننګرهار د اچین ولسوالۍ پېښې بازار دوکانونه لومړی لوټ کړي او بیا یې ټول بازار ته د شپې له خوا اور اچولی او ټول یې سوځولی دی.

اچین په ننګرهار کې هغه ولسوالي ده چې خلکو یې د داعش او طالبانو پرضد پاڅون وکړ او هیچا ته اجازه نه ورکوي چې د دوی په سیمو کې وسله وال فعالیت وکړي او ګډوډي رامنځ ته کړي.

طالبانو ځکه د پيښې بازار سوځولی چې طالبانو له ځایي خلکو غوښتي و چې له دوی سره دې همکاري وکړي او له دولت سره دې همکاري پریږدي، خو د سیمې خلکو له داعش او طالبانو څخه ښه ورځ نه ده لیدلې او هیڅکله تیار نه دي چې طالبانو ته بیا په خپلو سیمو کې د فعالیت موقع ورکړي.

طالب د خپل وحشت او جنایت لپاره هر هغه کار کوي چې نه یې افغان کلتور اجازه ورکوي او نه یې اسلام ، خو دا چې طالب له خپل عادت او خپل بادار څخه مجبور دی، نو هر کار کوي.

د طالبانو د هرې سیمې ډولونه، قوانین، اصول او فعالیتونه جلا دي، د هرې سیمې طالبان په خپله ځان ته اوصول ټاکي او د وحشت ډولونه رامنځ ته کوي.

تاسو به هره سیمه کې لیدلي وي چې ځینې طالبان ښوونځي سوځوي، ځینو سیمو کې بیا ښوونځیو ته څه نه وایي، ځینو سیمو کې روغتونونه ویجاړوي، خو ځینو نورو سیمو کې بیا روغتونونو سره کار نه لري.

طالبان ځینو سیمو کې ماشومانو ته اجازه ورکوي چې ښوونځي ته لاړ شي، خو ځینو نورو سیمو کې اجازه نشته چې ښوونځي پرانستی وي.

د شینوارو سیمه کې طالبانو ځکه بازار سوځولی چې دا قوم په ډير اتفاق د ترهګرو پرضد راپورته شوی او وسله یې اخیستي له دولت سره همکاري کوي.

شینوارو سیمه د طالبانو او داعش دواړو لپاره مهمه ده، ځکه د دې لوی سیمې ډیره ساحه ډیورنډ کرښې سره تړلې او ترهګر غواړي دې سیمو کې په فعالیت سره پاکستان ته د تګ راتګ لپاره ځان ته لار پيدا کړي.

خو شینوارو ترهګرو ته داسې قسم کړی چې دا خو یو بازار ورسوځولی، که ټول شینواري هم وسوځوي، بیا به هم طالب په شینوارو کې د پښې ایښودو ځای پيدا نه کړي.

تاسو به د داعش ظلم په شینوارو کې لیدلی وي، چې ان د خلکو ډک کورونه یې وسوځول، خو شینواري حاضر نه شول چې دې ډلې ته تسلیم شي، همداسې طالبانو ته هم نه تسلیم کیږي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.