امریکا ۵ پاکستاني شرکتونه؛ روسیې ته د جاسوسي په تور تحریم کړل

د امریکا مالیې وزارت په ۶ پاکستاني وګړو او ۵ شرکتونو په تېرو ټاکنو کې د مداخلې او روسیې ته د جاسوسي په تور بندیزونه لګولي دي.
د راپورونو له مخې د امریکا مالیې وزارت د یاد کسانو نومونو د بهرنیو شرکتونو او بهرنیو پانګه والو د کنټرول په تور لیسټ کې اچولي دي.
یاد وزارت ویلي: ”ولسمشر بایډن دا هر اړخیز حکم ټولو هغو وړاندیزونو او نظریو ته د رسیدنې په موخه کړی، چې ورځ تر بلې په هغه هېواد کې د روسیې په اړه راپورته کیدې“
امریکایي چارواکي وایي، روسیې د خپلو استازو او مختلفو شرکتونو له لارې د ۲۰۲۰ کال په ولسمشریزو ټاکنو کې لاسوهنه کړې ده، د دوی دا ډول ادعا د ۲۰۱۶ کال له ټاکنو سره ورته والی لري او هلته بیلابیلو رسنیو تائيد کړي هم دي.
هغه کسان او شرکتونه، چې په دې وروستیو کې د امریکا د مالیې وزارت له لوري له بندیزونو سره مخ شوي، په تېرو ټاکنو کې په لاسوهنو او روسیې ته په جاسوسي تورن دي.
د امریکايي کارپوهانو باور دا دی، چې روسیې غوښتل په تېرو ټاکنو کې پخوانی ولسمشر ډونالډ ټرمپ بریالی شي، ځکه هغه په ځلونو ویلي وو، چې د روسیې د ولسمشر پوتین طرفدار دی.
د Second Eye Solutions)) په نوم یو پاکستانی شرکت تورن دی، چې د IRA په نوم یو روسیې شرکت باندې یې یې د موټر چلولو جواز پلورلی او بیا یاد روسیي شرکت هڅه کړی، چې بېلابیل ډوله حسابونه پرانیزي او له دې لارې په ټاکنو کې لاسوهنه وکړي.
ویل کیږي، په نیول شوو کسانو کې د احمد شهزاد په نوم یو کس چې د لاهور اوسیدونکی دی له پنځه نورو کسانو سره چې د کراچۍ ښار اوسیدونکي دي د یاد هېواد له لوري په جاسوسي تورن او له بندیزونو سره مخ شوي دي.