سرخط ورځپاڼې ته په ارګ کې سرچينو ويلي دي چې پاکستانيانو کابل ته په وروستي سفر کې د افغانستان له امنيت شورا څخه هغه خونړي داعشيان غوښتي چې تر دې وړاندې افغانستان نيولي دي.
په دوی کې تر ټولو خونړی يې د خراسان لپاره د داعش قوماندان عبدالله اورکزی دی چې په اسلم فاروق مشهور دی.
د پاکستان له خوا د افغانستان لپاره د پاکستان د ځانګړي استازي محمد صادق خان په مشري د اپرېل په پنځه ويشتمه يو پلاوی د دوو ورځو په مخه افغانستان ته راغلی او دلته يې دغه فرمايشونه ورکړي دي.
پاکستاني پلاوي په دې سربېره، د تحريک طالبان پاکستان د ځينو غړيو غوښتنه هم کړې ده چې ګواکې دوی ته دې وسپارل شي.
هلته د افغانستان د ملي امنيت لوی رييس ډګر جنرال احمد ضيا سراج هم خبريالانو ته وويل چې پاکستانيانو ورڅخه په يوه غونډه کې د بندي داعشيانو او طالبانو د ورکولو غوښتنه کړې ده.
کابل ته د پاکستان په دغه راغلي پلاوي کې د پاکستان د استخباراتي ادارې ایايسای ځينې لوړپوړي کسان هم راغلي ول او د بنديانو غوښتنه هغوی کړې ده.
ځينې داسې راپورونه سرخط ورځپاڼې ته رسېدلي چې افغان لوري پاکستانيانو ته ويلي دي چې دغه کسان به په لاس ورکړي، خو شرطونه يې ورته ايښي دي.
د سيمې لپاره د داعش د نيول شوي مشر اسلم فاروق د ورکولو په بدل کې، پاکستانيانو ته ويل شوي دي چې هغوی دې په پاکستان کې د طالبانو ځينې نيول شوي مشران افغانستان ته وسپاري.
اسلم فاروق تېر کال د اپرېل په پنځمه نېټه د افغانستان ملي امنيت نيولی و او هماغه وخت لا پاکستان په اسلام اباد کې د افغانستان د هغه وخت سفير لطف الله مشعل ورغوښتی او د فاروق ورسپارل يې ورڅخه غوښتي ول.
سرخط ورځپاڼې ته د په لاس ورغليو مالوماتو په اساس، کابل ته د دغه پلاوي د راتګ دویم هدف د افغانستان او پاکستان تر منځ د سوداګري هوکړه وه چې بايد له سره نوي او پسې وغځول شي.
له پاکستان سره د سوداګري تړون افغانستان په دوه زره لسم کې کړی و، څه موده وړاندې ختم او د دريو مياشتو لپاره تمديد شو، خو لا هم نوی شوی نه دی.
په دې سربېره، د پاکستاني پلاوي د سفر درېيم هدف د افغانستان او پاکستان تر منځ د باور فضا جوړول ول.
جالبه دا ده چې پاکستاني پلاوي کابل ته په سفر کې د احمد شاه مسعود له زوی احمد مسعود او لطيف پدرام سره هم ليدلي دي.
کابل ته د پاکستان د دغه پلاوی تر راتګ مخکې د دغه هېواد د پارلمان د مشر اسد قيصر په مشري هم يو پلاوی کابل ته را روان و، خو افغان لوري له نيمې لارې جواب کړ او مالومه نه شوه چې په څه شي پسې راته.
دا او لا ډېر نور مطالب د سرخط ورځپاڼې پر وېبپاڼه ولولئ.
سرخط
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.