د امريکا د کاليفورنيا يوه اوسيدونکي هڅه کړې وه چې په جعلي اسنادو سره په افغانستان کې د برېښنا شبکې جوړولو قرارداد ترلاسه کړي. دغه تن د ۱۰۰ میليونو ډالرو په تقلب کې ښکیل دی.
د څارنوال د دفتر له خوا په جاري کړل شوې يوه اعلاميه کې راغلي دي چې د سيد اسماعيل امیري په نوم دغه تن چې ۳۸ کاله عمر لري او د کرانتي بي اوسيدونکی دی، په لاس اينجلس کې په يوه محاکمه کې د برق د مزو په يوه پروژه کې درغلې له کبله بايد ځواب ويلی وای.
د مجرم پيژندل کيدو په صورت کې به نوموړي ته ښايي تر شلو کلونو زيات بند سزا ورکړل شي. محکمه به د هغه په اړه په اګست میاشت کې پریکړه وکړي.
فدرالي څارنوال زياته کړې چې په دې پروژه کې د اميري د «Assist Consultants Incorporated» يا «ای سي آی» په نوم افغان شرکت لاس درلود.
په ۲۰۱۵ او ۲۰۱۶م کلونو کې امیري او د يو شمير نورو شرکتونو مشرانو په افغانستان کې د برېښنا د پنځوو سبسټيشونو د جوړولو پروژو ترلاسه کولو له پاره د جعلي کاري سابقې او شرکت په اړه ناسم اسناد وړاندې کړي ول.
دا پروژې د امريکا متحده ایالاتو له خوا تمويل شوي وې. د ناسمو اسنادو په وړاندې کولو سره دوی هڅه کړې وه ثابته کړي چې شرکتونه یې د دې پروژو د عملي کولو وړتيا لري.
د «ای سي آی» شرکت بولۍ کې راغلي چې نوموړی شرکت د اوګانډا د سبسټيشونو له پاره د سيمنټو د يوه شرکت او په نايجيريا کې د نساجي شرکت ضمني تړون کوونکی دی.
خو په اصل کې «ای سي آی» هیڅکله هم په افریقا کې کومه پروژه نه ده لرلې او دغه شرکتونه چې یاد شوي دي په اصل کې هيڅ موجود نه دي.
کله چې د افغانستان د برېښنا شرکت د ای سي آی شرکت څخه د هغوی د کاري سابقې په اړه نور اسناد وغوښتل نو اميري ورته نور ناسم او لاس وهل شوي اسناد وليږل چې عکسونه، د بانک ناسم اسناد او د اوګانډا د چارواکو يو جعلي ليک هم پکې شامل وو.
د چارواکو په حواله امیري بيا په افغانستان کې د امريکا سفارت له خوا د دې قضیې تر بررسي وروسته خپله داو طلبي يا وړاندیز بيرته واخيست.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.