افغانان دې نه وارخطا کیږي

عبدالمنان توحیدیار

719

د بهرنیو ځواکونو له وتلو سره ځینې اندیښنې لري چې وضعیت به څه ډول شي، دفاعي حالت به څه وي او امنیتي وضعیت به څنګه وي.

خو همدا خلک نه ګوري چې له ۲۰۱۴ کال راهیسې بهرني ځواکونه خپلو اډو کې ناست دي او هیڅ ډول عملیات نه کوي.

له تیرو اوه کلونو راهیسې ټولې امنیتي او دفاعي چارې افغان ځواکونو سره دي او هیڅ بهرني ورسره همکاري نه ده کړې.

یواځې هوایي ځواک برخه کې یې همکارې کړي، نور ۹۸ سلنه عملیات خپله افغان ځواکونو تنظیم کړي او ترسره کړي دي.

له نیکه مرغه اوس د خلکو روحیه ډیره پیاوړې شوې ده، مخکې به اندیښنې وې چې که امریکا وځي، څه به کیږي، خو اوس خلک راپورته کیږي، وایي څه چې لاس ته راوړنې دي، موږ یې دفاع کوو.

دا ډاډ شته چې د بهرنیو ځواکونو له وتلو سره هیڅ خلا نه رامنځ ته کیږي او افغان امنیتي او دفاعي ځواکونه وړتیا لري چې د خلکو امنیت وساتي او له خاورې دفاع وکړي.

موږ د امنیتي او دفاعي ځواکونو په لیکو کې داسې قضيي لرو چې یو ورور یې وژل شوی، پر ځای یې بل ورور راغلی او ویلي یې دي چې ما مې د ورور پر ځای مقرر کړئ، په داسې حال کې چې د ورور وینه یې لا نه ده وچه شوې. نو داسې ځواک هیڅکله نه ماتیږي.

په دې هم ډاډه اوسئ چې افغانستان انزوا ته نه ځي او له نړیوالو سره یې یو نوی فصل پيل شوی چې له فرصتونو به پکې ګټه پورته کړي.

تاسو ډاډه اوسئ چې امنیتي او دفاعي ځواکونه تمویل کیږي، په تجهزاتو کې به یې مشکل را نه شي، په مختلفو برخو کې مرستې دوام پيدا کوي، د روزنې برخه کې هم ټول هېوادونه شته دی او افغانستان خپل اهمیت له لاسه نه دی ورکړی.

د افغانانو یووالی به له سختو څخه د وتلو لپاره ډيره همکاري وکړي او اوس تر بل هر وخت افغانان یو شوي دي.

د بهرنیو ځواکونو وتل له افغانستان څخه پيل شوي او اندیښنې شته چې ګنې وضعیت به خراب شي، خو حکومت ډاډه دی چې افغان امنیتي او دفاعي ځواکونه وړتیا لري او د نړیوالو مرستې دوامداره دي.

څلور ورځې وړاندې افغانستان کې د ناټو قومندان وویل چې د دوی ځواکونه له کندهار او ننګرهار وتلي او یواځې په بلخ، باګرام او کابل کې پاتې دي چې هغوی هم د وتلو چمتووالی نیسي او ټاکل شوې چې د سپتمبر تر ۱۱مې ټول بهرني ځواکونه ووځي.

د بهرنیو ځواکونو له وتلو سره یو ځای ځینې وسایل او تجهیزات افغان لوري ته سپارل کیږي او ځینې چې د افغان ځواکونو پکار نه دي، بهرني ځواکونه یې له منځه وړي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.