د غزني ځوانان: د جګړې له کبله د کانکور ؛ له ازموینې پاتې شوو

غزني کې د جګړې له امله سږ کال د کانکور ازموینې کچه د تېرو کلونو په پرتله شپږ زره کموالی ښیي.
ځایي چارواکي وايي، چې سږ کال له غزني ولایت څخه یوازې ۹۰۵۰ زده کوونکو ګډون کړی وو، چې ۳۷۴۱ یې نجونې وې.
دوی وايي، تېرو کلونو کې له یاد ولایت څخه تر ۱۶ زرو زده کوونکو ګډون کوو، خو سږ کال د طالبانو د جګړې له امله یاده شمېره شپږ زره راټیټه شوې ده.
دوی اندېښنه ښودلې، چې په یاد ولایت کې د طالبانو له لوري د ښوونځیو سوځول، د زده کوونکو تښتول اوجګړې له امله کډوالي ډیری زده کوونکي له خپلو زده کړو شاته پاتې کړي دي.
سرچینه کاږي، چې که چېرته په یاد ولایت کې د طالبانو له لوري د ښوونځیو سوځول او د ځوانانو یرغمل کول روان وي؛ نو ډېر ژر به یاده شمېره نوره هم ټیټه شي.
باید یاده شي، چې د طالبانو د جګړو له امله د هېواد ډیری ماشومان له زده کړو بې برخې پاتې شوي دي.
دغه راز تېره ورځ د بښنې نړیوال سازمان هم اندېښنه ښودلې وه، چې د طالبانو له امله د نجونو د زده کړو پر وړاندې لوی خنډونه رامنځته شوي، چې په راتلونکي کې به له ډېرو ننګونو سره مخ شي