طالبان چې تر خپل فعالیت لاندې سیمو کې یې د کوکنارو کښت ته اجازه ورکړې، له دې درکه هر کال د عشر او زکات له لارې زیاتې پيسې لاس ته راوړي او دا پيسې ځایي طالب قومندانان اخلي او یوه برخه یې په جګړه کې مصرف کوي.
په دې کې شک نشته چې د طالبانو او نشهيي توکو اړیکه واضح ده او هر ځای چې طالبان وي، هلته نشهيي توکو کښت او قاچاق وي.
ټولې هغه لارې چې ګاونډیو هېوادونو ته پرې قاچاق کیږي، طالبانو ناامنه کړي او د نشهيي توکو قاچاقبرانو ته یې اجازه ورکړي چې له دې لارې څخه په ازادانه ډول خپل کار وکړي او طالبانو ته پکې خپله برخه ورکړي.
تازه راپورونه دا دي چې له ترکمنستان سره د طالبانو د سرحد مسوول مولوي غلام له یو قاچاقبر څخه د سل کیلو ګرامه تریاکو په بدل کې لس کیلو ګرامه تریاک اخیستي او بیا یې ورته زمینه برابره کړې چې دا تریاک د ترکمنستان تر سرحد پورې ورسوي.
ټولې هغه سیمې چې کوکنار پکې کښت کیږي، طالبان پکې فعالیت کوي او خلکو ته یې ډاډ ورکړی چې که هر څوک د کوکنارو کښت د اړولو کمپاین پسې راځي، دوی به ورته اجازه نه ورکوي، خو په بدل کې به یې طالبانو ته جزیه او یا مالیه ورکوي.
کله چې د کوکنارو حاصلات واخیستل شي او له بزګرانو څخه طالبان پيسې او تریاک واخلي، بیا له قاچاقبرانو سره کار کوي چې څنګه تریاک ګاونډیو او بهرنیو هېوادونو ته انتقال کړي.
طالبان په ټولو هغو لارو باندې فعالیت کوي چې د نشهيي توکو قاچاق پرې کیږي، قاچاقبرانو سره د طالبانو خبره جوړه ده او هر کیلو ګرام تریاک باندې د طالبانو برخه مالومه ده چې قاچاقبر اړ دی، طالبانو ته یې ورکړي.
که څه هم کله کله طالبان د نشهيي توکو له قاچاق څخه منکر کیږي، خو دا خبره واضح ده چې د طالبانو په خوشې شویو ۵۵۰۰ زندانیانو کې ۶۰یې د نشهيي توکو قاچاقبران و چې طالبانو یې لست کې نومونه شامل کړي و.
طالبان یا له دې قاچاقبرانو سره کار کوي او یا قاچاقبران پيسې ورکوي چې د طالبانو د ژوند او جګړې امکانات پرې برابر شي.
طالبان د تاوتریخوالي او جګړې د دوام له درکه ډيرې پيسې لاس ته راوړي او بیا دې جګړې ته د جهاد نوم ورکوي، خو د هر کال په تیریدو سره د طالبانو اصلي څېره ښکاره کیږي چې دا ډله یواځې کرایي قاتلین او د جګړې سوداګر دي چې جګړه د شخصي ګټو لپاره کوي او د دې جګړې په ډګر کې پردي اولادونه قرباني کوي.
هر هغه سیمه باندې د جګړې تمرکز زیات دی چې د طالبانو د نشهيي توکو کښت او قاچاق پرې کیږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.