طالبان په افغانستان کې؛ د هر ډول ترهګریزو ډلو د رامنځته کېدو علت دی

 طالبانو امارت په افغانستان کې هر ډول ترهګرو ډلو ته د فعالیت زمینه برابره کړې او اوس مهال د دوی تر چتر لاندې د داعش او القاعده په څېر نورې ګڼ شمېر ترهګریزې ډلې په افغانستان کې فعالیتونه کوي.
تازه د هېواد په کندز ولایت کې د داعش ډلې له لوري یو انځور نشر شوی، چې ښيي یو پولیس افسر یې د صحرايي محکمې د پرېکړې په اساس وژلی دی.
د هېواد په شمالي ولایتونو کې یو شمېر د نظر خاوندان اندېښنه لري، چې د طالبانو تر چتر لاندې ترهګرې ډلې په خورا چټکۍ سره مخ په ودې رواندې او ملکي خلک به دا ځل به د طالبانو د وحشت ترڅنګ د نورو ډلو وحشت هم تجربه کوي.
دوی زیاتوي، چې طالبان اصلآ افغانان نه دي او نه هم ورسره د هیچا د مظلومیت فکر شته؛ بلکې هره ناروا، چې وغواړي، پر ملکي وګړو یې ترسره کوي.
که څه هم تر دې وړاندې په ختیځ کې د داعش ډلې فعالیت درلود؛ خو اوس په کندز ولایت کې د یادې ډلې له څرکونو مالومیږی، چې طالبانو د خپلو جنګیالیو ترڅنګ یو شمېر نورې داسې ډلې هم تر خپل کنټرو لاندې سیمو کې ساتلي، چې په هېواد کې په هرې ورانکاري صرفه نه کوي.