یوه نوې نظر پوښتنه ښیې چې د آلمان اوسنۍ صدراعظمه انګلا ميرکل په هغو هیوادونو کې چې دغه نظرپوښتنه پکې شوې د خلکو په منځ کې ډېره د باور وړ او نړۍ ته کړي کارونو ته يې په ډیر مثبت نظر کتل کیږي.
دغه نظر پوښتنه چې د «پیو» څیړنیز مرکز له خوا ترسره شوې وایي چې انګلا ميرکل لا هم له آلمان څخه بهر خورا محبوبیت لري او د امریکا، روسیې، چین او فرانسې تر اوسنیو ولسمشرانو خلکو ته ډېره د باور وړ ده.
ميرکل له شپاړسو کلنو راهيسي د آلمان صدراعظمه ده او وروسته له راتلونکې یکشنبې به چې د آلمان ټاکنې ترسره کیږي دغه څوکۍ پریږدي.
«پیو» په واشنګټن کې یو غیر حزبي څیړنیز مرکز دی چې د پیژندل شوو څېرو او محتوا لرونکو تحلیلونو په تړاو څیړنې کوي.
د نظر پوښتنې ۷۷ سلنه ګډون کوونکي باور لري چې ميرکل په نړیوالو چارو کې سم کارونه کوي، خو په یونان کې بیا د هغې په اړه دغه باور کم دی یوازي د پوښتل شوو کسانو په سلو کي ۳۰ سلنه يې په دې باور دي چې ميرکل سم کار کړی دی.
د آلمان او یونان حکومتونه وروسته له هغې سره په ټکر کې شول چې د پور بحران پر مهال د یورو په حوزه کې د یونان اقتصاد یوه لسیزه فلج شو.
آلمانیان او اروپایان د ميرکل په اړه څه فکر کوي؟
ميرکل د خپلې دندې له پيل راهيسي د آلمانیانو په منځ کې خورا لوړ اعتماد لري. په ۲۰۲۱م کال کې د ميرکل په اړه د المانيانو باور ډیر شوی دی او په دغه نظر پوښتنه کې د پوښتل شوو کسانو ۷۷ سلني ويلي دي چې د ميرکل پر مشرتوب باوري دي.
د آلمان واسنۍ صدراعظمه او د دې هیواد د دفاع وزیره
ميرکل درې ځله د آلمان صدراعظمه ټاکل شوې ده او د رواني سپتمبر مياشتي پر ۲۶ نېټه د آلمان تر پارلماني ټاکنو وروسته به خپله دنده پای ته ورسوي.
په دغه نظر پوښتنه کې د فرانسې، بریتانیا او ایټالیا په ګډون د ۸ اروپایي هیوادونو وګړي پوښتل شوي دي. په دغو پوښتل شوو کسانو کې له هرو لسو کسانو څخه ۷ یې په دې باور دي چې ميرکل په نړۍ کې سم کارونه ترسره کړي. په هالنډ او سویډن کې بیا له هرو لسو پوښتل شوو کسانو څخه ۹ یې ويلي دي چې ميرکل په نړيواله کچه ښه کارونه کړي دي.
د آلمان په اړه عمومي احساس څه دی؟
په دغه نظر پوښتنه کې روښانه شوې ده چې د پوښتل شوو کسانو ۷۹ سلنه يې د آلمان په اړه مثبت نظر لري.
د نظر پوښتنې ګډون کوونکي په دې باور دي چې د آلمان حکومت له کورنا سره د مبارزې ښې لارې چارې درلودې او د روغتیا نړیوال سازمان، چین او امريکا په پرتله ډیر ښه وو.
پر دې سربيره له هرو لسم یونانیانو څخه چې په دغه نظر پوښتنه کې یې ګډون کړی اته یې په دې باور دي چې د آلمان نفوذ پر نړیوالو چارو ډیر زیات دی او د ایټالیا او هسپانيا ډېر پوښتل شوي کسان هم په همدې نظر دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.