د روسيې ولسمشر ولاديمير پوتين وويل چې د داعش سلګونه جنګيالي د افغانستان شمال کې راغونډيږي چې هدف يې د کډوالۍ په پلمه د مرکزي آسيا جمهوريتونو ته ورتګ دی.
»زموږ د استخبارتو له مخې د افغانستان شمال کې يوازې د داعش د غړو شمېر تقريبا ۲۰۰۰ تنو ته رسيږي.« دغه خبره د روسيې ولسمشر د پخواني شوروي د هېوادونو له مشرانو سره په ويډيويي کنفرانس کې وکړه.
پوتين د روانې اوونۍ په ترڅ کې هم د عراق او سوريې له مجربو داعشي جنګياليو څخه خبرداری ورکړ چې افغانستان ته مخه کوي.
د روسيې د بهرنيو چارو وزارت ويلي تمه لري چې طالبان به له دغه ګواښ سره وړ چلن وکړي. پوتين دا هم وويل چې د داعش مشران په افغانستان کې غواړي د دغې ډلې نفوذ په مرکزي آسيا کې تضمين کړي څو مذهبي او توکميزو شخړو ته لمن ووهي. مسکو دغه سيمه د خپل نفوذ ساحه بولي.
پوتين د مرکزي آسيا هېوادونو له مشرانو سره په غونډه کې چې ځينې يې له افغانستان سره ګډه پولي لري، وويل: »تروريستان هڅه کوي چې د فدراسيون خاورې ته وردننه شي، چې د نورو تر څنګ ځانونه کډوال معرفي کوي.«
طالبان چې د اګست په نيمايي کې يې د يوه لويديځ پلوي حکومت څخه قدرت ونيو، په نړيوال رسميت پسې تلاش کوي او د يوه بشري ناورين د مخنيوي له پاره مرستې هم غواړي.
روسيه مرکزي آسيا د خپل نفوذ ساحه بولي. پتين د تاجکستان له ولسمشر رحمان سره.
د افغانستان له پاره د پوتين ځانګړي استازي ضمير کابلوف د روسيې اينترفاکس خبري اژانس ته وويل چې د طالبانو استازي به راتلونکې اوونۍ په مسکو کې په يوه نړيوال کنفرانس کې ګډون وکړي چې د ايران، پاکستان او چين په څېر سيمه يز لوبغاړي پکې حضور لري.
پوتين بيا دا هم وويل چې د طالبانو په رسميت پېژندلو کې بايد بيړه ونه شي، خو زياته يې کړه چې »موږ پوهيږو چې له هغوی سره بايد چلن وکړو.«
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.