د يوې تازه څېړنې په حواله واک ته د طالبانو تر رسېدو وروسته له افغانستان څخه آلمان ته کډوال شوي کسان د دغه هيواد د کار په بازار کې ډېر ښه چانسونه لري. زياته شوې چې دمګړۍ ۴۰ سلنه افغانان په آلمان کې په کار بوخت دي.
د آلمان د نورنبيرګ د کار بازار او د کار د باراز د څېړنې انستيتويت د مهاجرت، ادغام او کار د نړيوال بازار (آی اې بي) د برخې مشر هوبيرت برويکر له خوا د دوشنبې په ورځ په خپرې شوې دغه څېړنه کې راغلي دي چې تازه راغلي افغانان د هغوی د تعليم او د آلمان او نورو خارجي ژبو د زده کړې د کچې له کبله د هغو افغانانو په پرتله چې پخوا دلته را کډوال شوي، ښه چانسونه لري.
په څېړنه کې زياته شوې چې «اوسمهال هغه خلکو ته پناه ورکول کيږي چې له بهرنيو ځواکونو او پراختيايي سازمانونو سره یې همکاري کړې ده او يا یې په دولتي ادارو، سياست، علم، زده کړو او د بشري حقونو له سازمانونو سره او يا له ورته موسساتو سره یې کار کړی دی.»
برويکر زياته کړه: «دغه کسانو ډېرې لوړې زده کړي دي، پر ډېرو خارجي ژبو تسلط لري او په افغانستان کې یې د نورو په پرتله ښه عايد درلود.» نوموړي ټینګار وکړ: «پر دې سربيره هغوی دلته د اقامې ترلاسه کولو او د ادغام پروګرامونو ته د لاس رسي ښه امکانات لري.»
نوموړي وويل چې اوس مهاجر شوي کسان په ۲۰۱۵م کال کې د راغلو افغانانو په پرتله د ادغام يوه منظم پروګرام ته لاس رسي ځکه شمير یې «نسبتاً لږ» دی.
دمګړۍ په آلمان کې مسلکي کارکوونکو ته ډېره اړتيا ده د مثال په توګه آی ټي يا انترنتي تکنالوژۍ او روغتيا په برخه کې.
تراوسه هم د آلمان د کار په بازار کې په مقایسوي توګه په کار د بوختو افغانان شمير لوړ دی. په اپريل مياشت کې د خپرې شوې يوې څېړنې په حواله په آلمان کې کابو ۴۰ سلنه افغانان په کار بوخت دي چې دا په آلمان کې د ميشتو هغو اتوو مهمو هيوادونو د وګړو چې په اړه یې څېړنه شوې وه، په پرتله درې سلنه ډېرښت ښيي. په دغو اتوو هيوادونو کې چې ډېر وګړي یې په آلمان کې په کار بوخت دي، افغانستان هم شامل دی.
د۲۰۲۰م کال په پای کې په آلمان کې ۲۷۲۰۰۰ افغانان ميشت ول چې له دوی څخه یې ۲۱۶۰۰۰ د آلمان د احصايې د فدرالي ادارې په حواله د پناه غوښتونکو په توګه آلمان ته راغلي ول.
د «آی ای بي» د مشر برويکر په حواله انتظار کيږي چې تازه راغلي افغانان به د پخوا راغلو په پرتله ژر ادغام شي او کار به ومومي. د نوموړي په خبره به په دې توګه د ادغام له پروسې سره مل مصارف هم لږ وي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.