له هغه وروسته چي نړیوالي ټولني د طالبانو تر واکمنۍ لاندي افغانستان ته خپلي مرستي بندي کړې، یونیسف غواړي په مستقیم ډول افغان ښوونکو ته معاشونه ورکړي.
د یونیسف د افغانستان د څانګي مشري ژنت وګلار د ایمیل له لاري رویترز خبري آژانس ته ویلي: «یونیسف په اوس وخت کي د داسي سیستم پر جوړولو کار کوي چي د اوسنیو ادارو له خوا د بودجې له انتقال پرته، معلمانو ته د معاشونو مستقیم ورکول ممکن کړي.»
هغې وویل د معاشونو د ورکولو د آمادګۍ له پاره به د ټولو دولتي ښوونکو د نومونو ثبتول پیل سي. وګلار زیاتوي: «په افغانستان کي د نجونو له زده کړو څخه د ملاتړ تر ټولو ښه لار داده چي د هغوی د ښوونځيو او ښوونکو ملاتړ وسي. یونیسف له ټولو مرسته ورکونکو څخه هیله کوي چي دې ته اجازه ور نه کړي چي د افغانستان ماشومان له درس او تعلیم څخه محروم سي.»
له هغه وخته چي طالبانو د اګست پر ۱۵ مه په افغانستان کي قدرت ترلاسه کړ، عمومي خدمات په ځانګړي ډول د روغتیا او زده کړو څانګي له نوي بحران سره مخامخي سوي دي.
ډېرو خارجي حکومتونو، افغانستان ته خپلي مرستي په ټپه درولي، پرته له بشري مرستو چي د مرستندویه سازمانونو له خوا ترسره کیږي. بشري مرستي په عمومي ډول پر عاجلو تدارکاتو لکه غنمو او کمپلو باندي محدودي سوي او د عامه خدماتو کارکوونکو له میاشتو راهیسي خپل معاشونه نه دي ترلاسه کړي. په خارج کي د افغانستان د مرکزي بانک په میلیارډونو ډالر بودجه هم کنګل سوې ده.
نړیواله ټولنه د نجونو پر زده کړو باندي د محدودیتونو د وضعیت له امله اندېښمنه ده. د افغانستان په ډېرو ولایتونو کي د متوسطه ښوونځيو او لیسو دروازې د نجونو پر مخ تړلي پاته دي، دا په داسي حال کي ده چي هلکانو ته اجازه ورکول سوې چي خپلو زده کړو ته ادامه ورکړي.
د طالبانو یوه چارواکي په روانه اونۍ کي رویترز خبري آژانس ته وویل: مکتبونو ته د نجونو د تګ په اړه «ښه خبرونه» موجود دي او نجونو ته به اجازه ورکړل سي چي ښوونځيو ته ولاړي سي.
د ښووني او روزني په وزارت کي د خارجي بودجې د پروګرام مشر، وحیدالله هاشمي وویل: «موږ په تیره بیا له یونیسف او ځینو نورو بین المللي بڼسټونو سره کار کوو، تر څو د حل یوې مناسبي لاري ته ورسیږو. موږ هره ورځ په دې هکله جلسه لرو.»
هغه زیاته کړه: «موږ یوه ستونزه لرو، څرنګه چي له اقتصادي پلوه زموږ وضعيت ښه نه دی … له همدې کبله موږ له نړیوالي ټولني او بین المللی بڼسټونو په خاص ډول هغو کسانو څخه چي د اضطراري حالت له پاره بودجه ولري، غواړو چي زموږ سره په دې برخه کي مرسته وکړي.»
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.