د ملګرو ملتونو استازو دويچه ويله ته ويلي چې په افغانستان کې بشري مرستندويان د ژمي په رارسيدو سره تر سخت فشار لاندې دي. ويل شوي چې په افغانستان کې وضعيت لا دمخه ډېره ناوړه دی او «داسې بریښي چې نور هم پسې خراب شي.»
د ملګرو ملتونو د ماشومانو د مرستې ادارې يونيسف خبرداری ورکړی دی چې مخ پر زياتيدونکي لوږه او د مرستندويه توکو د نه رسېدو له کبله په افغانستان کې «د يوه چټک مخ پر پراخيدونکي» بحران سبب ګرځيدلی شي.
له دويچه ويله سره په مرکه کې د افغانستان له پاره د يونيسف د اړيکو مشرې سمنتا مورت وويل: «د هيواد کابو نيمايي نفوس يعني شا او خوا ۲۳ میليونه وګړي مرستو ته اړتيا لري، نو په دې ترتيب يې شمير ډېر لوړ دی او دا د ټولو له پاره يو په چټکۍ سره پر مخ روان بحران دی.»
د يونيسف په ګډون، ټولې مرستندويه ټولنې د ژمي په درشل کې د مرستې د رسولو په برخه کې د وخت له کمښت سره مخ او تر سخت فشار لاندې دي.
هغې وويل: «يونيسف د چارتر الوتکو له لارې مرستې رسوي او همد راز د پاکستان سره د سرحد له لارې. په دې توګه موږ مرستې رسوو خو ورځ تر بلې هوا يخيږي.»
نوموړې ټينګار وکړ: «پر غرونو لا دمخه واوره پرته ده، لیرو پرتو سيمي سره تماس پرې دی او په حقيقت کې دا له وخت سره مبارزه ده چې تر هغه دمخه چې د دې مرستو رسولو امکان له منځه ولاړ شي، دا ټاکل شويو ځایونو ته ورسول شي.»
«بشري بحران»
تېره اونۍ د افغانستان له پاره د ملګرو ملتونو ځانګړي استازي خبرداری ورکړ چې دغه هېواد «د يوه بشري بحران په درشل کې دی.» هغه زياته کړې وه چې د هيواد ۲۲ سلنه نفوس د قطحۍ له ګواښ سره مخ دی او د نورو ۳۶ سلنه وګړو خوراک تامين نه دی. د خوراکي توکو بيې لوړې شوي دي او زياتره یې د اخيستو توان نه لري.
مورت دې ته په اشارې سره چې والدين مجبوريږي خپل ماشومان ښوونځيو ته د ليږدولو پر ځای کار ته واستوي، وويل: «موږ دلته د بې وزلې بې ساري کچه وينو چې دا په دې معنا ده چې مېندې او پلرونه د ډېرو سختو پريکړو نيولو ته مجبوريږي.»
هغې زياته کړه: «کورنۍ مجبوريږي چې د جهيز په بدل کې خپل کم سنه ماشومان واده کړي. موږ همدا راز مشاهده کړې چې له وسله والو ډلو سره د يوځای شويو ماشومانو شمير هم لوړ شوی دی، نو په تېره بيا ماشومان د يوه ډېر حساس حالت سره مخ دي.»
د نړيوال سره صليب کميټې مشر پيتر ماورر تېره اونۍ ويلي ول چې مرستندويه ټولنې هڅه کوي د روغتيا د سيکتور کارکوونکو ته د هغوی معاشونه په لاس کې ورکړي ځکه چې د بانکي حسابونو له لارې دا کار ممکن نه دی.
د اټکلونو پر اساس له هغه وخت راهيسي چې طالبان بيا واک ته رسېدلي دي، د افغانستان اقتصاد ۴۰ سلنه شاتګ کړی دی. ملګرو ملتونو خبرداری ورکړی دی چې د هيواد مخ پر ځوړ اقتصادي حالت د افراطيت خطر زياتو شوی.
«د بشري مرستو تاريخي غوښتنه»
د ملګرو ملتونو د خوراک او کرهڼې سازمان استازي ريچارد ترنچارد خبرداری ورکړی دی چې د افغانستان وضعيت «مايوسه کوونکی» دی. نوموړي له دويچه ويله سره په خبرو کې وويل: «څه چې موږ ډېر انديښمنوي هغه دادي چې وضعيت لا پسې خرابيږي.» نوموړي زياته کړه چې د لیرې پرتو سيمو څخه نيولې د افغانستان د هرو لسو څخه یې په نهو ښارونو کې د لوږې ستونزه شتون لري.
نوموړي وويل: «زما په آند به په راتلونکي کال کې نړيواله ټولنه پر بشري اساس له څلورو ميلياردو ډالرو زياتې مرسته له پاره غږ وکړي چې دا به د بشري مرستو يوه تاريخي غوښتنه وي چې د يوه هيواد له پاره دې کله شوي وي.»
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.