کابو ۶۰۰۰ افغانان دې ته په تمه دي چې په آلمان کې له خپلو کورنیو سره د یو ځای کیدو له پاره ویزې ترلاسه کړي. په دسمبر میاشت کې دغه شمیر څه کم ۴۰۰۰ کسانو ته رسیده.
د آلمان د بهرنیو چارو وزارت د دغه هيواد په پارلمان کې د کیڼ اړخي ګوند له لورې د یوې پوښتنې په ځواب کې ویلي دي چې د هغو افغانانو شمیر چې غواړي په آلمان کې له خپلو کورنیو سره یو ځای شي کابو شپږ زره دی. دغه معلومات د فونکه رسنیزې ډلې ترلاسه کړي دي.
د دغو معلوماتو له مخې د دسمبر میاشتې په لومړیو کې د هغو افغانانو شمیر چې غوښتل یې په آلمان کې له خپلو کورنیو سره یو ځای شي او په اسلام آباد کې یې د آلمان په سفارت کې د ویزې له پاره د یوه وخت د ترلاسه کولو غوښتنه کړې، ۳۸۸۹ کسانو ته رسید.
زیاته شوې ده چې پر دې سربیره په نوي ډيلي کې په عین وخت کې ۱۸۱۸ افغان کورنيو راجستر شوي چې د کورنیو الحاق غواړي او په سفارت کې د یوه وخت د ترلاسه کولو له پاره هیله من دي. په دې ترتیب ۵۷۰۷ افغانان په دغه لېست کې شامل دي چې د کورنیو سره یو ځای کیدل غواړي.
لکه څرنګه چې د آلمان د بهرنیو چارو وزارت خبر ورکړی دی، چې د وخت د اخیستو او راجستر کیدو په پروسه کې ښایي ځیني نومونه دوه وارې ثبت شوي وي، نو له دې کبله اټکل کیږي چې د راجستر شوو کسانو په پرتله د اصلي کسانو شمیر به کم وي.
د کیڼ اړخې ګوند سیاستوالې ګوکی اکبلوت، دغه رسنیزې ډلې ته ویلي دي چې «په افغانستان کې [د کورنیو] اړونده کسان زیات انتظار نه شي کولی. د طالبانو ډار او د لوږې خطر انتهایي ګواښوونکي دي.» پر دې سربیره د آلمان پارلمان دغې سیاستوالې د ویزې د پروسې پر اوږده بهیر هم نیوکې کړي دي. اکبلوت د دې علت په سفارتونو کې د کارکوونکو کمښت يادوي. هغې زیاته کړې «که چیرې د ویزې د ورکړې بهیر په اوسني سرعت ادامه ومومي، نو دا به کلونه وخت ونیسي چې ټولو درخواستونو ته رسیدګي وشي.» هغې ویلي دي چې دا چار د منلو وړ نه ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.