د کرونا ویروس د نوي بڼي «اومیکرون» چټک پراخیدوته په کتو سره، د جرمني ښارونه او ایالتونه غواړي په ورځني ژوند کي د نورو محدودیتونو د وضع کولو په هکله سلا مشورې وکړي.
لکه څنگه چي د جرمني د حکومت مرستیال ویاند وولفگنگ بیوشر د دوشنبې په ورځ په برلین کي وویل، په لومړي پړاو کي باید پر دې بحث وسي چي د دا ډول حالت د رامنځته کیدو په صورت کي باید څه ډول غبرگون وښودل سي. بیوشر وویل: «اومیکرون موږ له نوو چيلينجونو سره مخامخ کوي». هغه دې ته اشاره وکړه چي کیدای سي د شخصي ملاقاتونو، لویو غونډو او همدارنگه کوچنیو رستورانونو ته د تگ له پاره نوي مقررات رامنځته سي.
لکه څنگه چي بیوشنر خبر ورکړی، د اومیکرون د نوي ډول له امله چي د کارپوهانو په حواله په ښکاره ډول د دغه ویروس د نورو ډولونو په پرتله په چټک ډول د پراخیدو په حال کي دی، د سه شنبه په ورځ د جرمني حکومتي مشران او مشراني یو وار بیا ددغه هیواد له صدراعظم اولاف شولڅ سره سي.
د یکشنبې په ورځ د جرمني د حکومت له خوا د کارپوهانو ټاکل سوي نوي شورا د اومیکرون په هکله معلوماتو ته په کتوسره خبرداری ورکړ چي له امله به یې نه یوازي دا چي روغتیايي سیستم تر فشار لاندي راسي، بلکي د دغه هیواد تر گواښ لاندي زیربنايي سیستم به هم اغیزمن سي. چي په هغه کي د نورو ترڅنگ پولیس، ژغورونکې عمله، مخابراتي او همدارنگه د اوبو او بریښنا رسولو سیستم هم شاملیږي.
کارپوهان د کرونا ویروس له امله د هغه کاري جمعیت په هکله هم لوی خنډونه ویني چي د نورو ترڅنگ د ډېرو کوچنیانو او یا هم په بستر کي پراته کسانو پالنه هم ور په غاړه ده.
د جرمني د کورنیو چارو وزارت یوه ویاند ویلي دي چي تر ترگواښ لاندي ټولو زیربنايي چارو له پاره داسي عاجل پلانونه موجود دي چي د دغي پاندیمي د شدت په پام کی نیولو سره به پلي سي.
هغه وویل چي نوموړي وزارت د دغه ویروس پروسه له نیژدو تعقیبوي. د هغه په خبره په اوس وخت کي د آلماني پولیسو له شاوخوا ۵۰ زره ښځینه او نارینه کارکوونکو څخه، ۷۹۱ یې په قرانطین کي دي. په دې توگه عملیاتو ته چمتووالی په بشپړ ډول تضمین سوی دی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.