په امریکا کې د ولسمشر اسناد او لیکونه باید آرشیف شي. خو د امریکا د ملي اسنادو دفتر ویلي دي چې پخواني ولسمشر دونالد ترمپ، د خپلې کاري دورې تر پای وروسته یو شمیر محرم اسناد له ځان سره خپل شخصي استوګنځای ته وړي دي.
د امریکا متحده ایالاتو د اسنادو ملي دفتر د جمعې په ورځ اعلان وکړ چې پخواني ولسمشر دونالد ترمپ د خپلې ولسمشرۍ دورې تر پای ته رسیدو وروسته، دولتي اسناد چې د سري یا محرمو اسنادو په توګه طبقه بندي شوي وو، په فلوریدا ایالت کې خپل شخصي استوګنځای ته له ځان سره وړي دي.
د ملي آرشیف دفتر مشر دیوید فریرو، د امریکا د کنګرې د نظارت کمیټې ته په یوه لیک کې لیکلي دي چې د ملي آرشیف دفتر د ضبط شوو اسنادو په باره کې د امریکا عدلیې وزارت ته اطلاع ورکړې ده.
په دې وروستیو کې اعلان شوی و چې ملي آرشیف ۱۵ کارتنه رسمي اسناد په فلوریدا ایالت کې د ترمپ په مارآلاګو املاکو کې تر موندنې وروسته بیرته واشنګټن ته سپارلي دي.
فریرو وویل چې دغه اسناد د ملي امنیت اطلاعاتو پورې اړوند و چې د محرم اسنادو په توګه طبقه بندي شوي دي. په امریکا کې د جمهور رئیس اسناد او مکتوبونه آرشیف کیږي، څو د راتلونکو ولسمشرانو له پاره محفوظ وساتل شي.
د امریکایي رسنیو د رپوټ پر بنسټ، په دغو جعبو یا کارتنونو کې د شمالي کوریا د رهبر کیم جونګ اون او تر ترمپ مخکې د امریکا د ولسمشر بارک اوباما خطونه هم موجود ول.
ترمپ ملي آرشیف ته د دغو جعبو انتقالول تائید کړي دي او ویلي یي دي چې دغه اسناد بی له هیڅ ډول مشکل څخه سپارل شوي دي.
خو امریکايي رسنیو رپوټ ورکړی دی چې ترمپ د دغو اسنادو له سپارلو څخه ډډه کوله او یوازې له اوږدو خبرو اترو وروسته یي ومنله چې اسناد بیرته ملي آرشیف ته وسپاري.
د امریکا د ملي ارشیف دفتر د دغه هیواد کنګرې ته په استول شوي لیک کې دې موضوع ته اشاره کړې ده چې یو شمیر اسناد چې د ترمپ د ولسمشرۍ دورې تر پای ته رسیدو وروسته ملي آرشیف ته سپارل کیدل، د پخواني ولسمشر له خوا څیرې کړای شوي ول. ځینې شکول شوي اسناد بیا د سپینې ماڼۍ د کارمندانو له خوا ترمیم او په تکه تکه شکل سپارل شوي دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.