د ملګرو ملتونو یو تازه راپور وايي چې په افغانستان کې د طالبانو د واکمنیدو راهیسې په یو شمېر بریدونو کې نیږدې ۴۰۰ کسان وژل شوي دي. د رپوټ په حواله د دې تلفاتو نیږدې ۸۰ سلنه د داعش ډلې په بریدونو کې رامنځ ته شوي دي.
د تیر میلادي کال د اګست میاشتې په نیمايي کې په افغانستان کې د پخواني جمهوري نظام تر نسکوریدو او واک ته د طالبانو تر رسیدو وروسته په افغانستان کې د بشري وضعیت په هکله د ملګرو ملتونو تازه رپوټ په دغه هيواد کې د ښځو د حقونو، خبریالانو او نورو د حقونو په هکله لوېدیځ هیوادونه بيا اندېښنې لري.
د ملګرو ملتونو دغه تازه رپوټ د ۲۰۲۱م کال د اګست میاشتې نه د روان میلادي کال د فبروري میاشتې موده رانغاړي چې پکې ویل شوي په دې موده کې په افغانستان کې ۳۹۷ تنه ملکي کسان وژل شوي.
د ملګرو ملتونو په رپوټ کې راغلې دي چې د دغو مرګونو ډېره برخه د داعش (اسلامي دولت) ډلې د بریدونو په پایله کې رامنځ ته شوي دي. په رپوټ کې همدا راز زیاته شوې چې په دې موده کې تر ۵۰ ډېر کسان بیا له داعش ډلې سره د اړیکو لرلو په تور په بده توګه وژل شوي چې پکې شکنجه، د سر پرې کول او وژل شامل دي.
په افغانستان کې د طالبانو د واکمنیدو راهیسې داعش د افغانستان د پلازمینې کابل په شمول په ځينو ولایتونو کې خونړي بریدونه کړي چې ډېر افغانان پکې وژل شوي دي.
په ژنیف کې د ملګرو ملتونو د بشري حقونو کمیسارې میشیله باشلیت د راپور د معرفۍ په خپله وینا کې وویل چې په افغانستان کې د بشري حقونو وضعیت د ډېرو افغانانو له پاره د ژورې اندېښنې وړ دی.
میرمن باشلیت په خپله وینا کې همدا راز وویل چې طالبانو هم په دې موده کې د ښځو پر حقونو او آزادیو محدودیتونه وضع کړي دي. هغې د افغانستان په عام ژوند کې د ښځو د ونډې د بشپړې اجازې غوښتنه وکړه.
طالبان چې تر دې وړاندې د ۱۹۹۶م کال نه تر ۲۰۰۱م کاله پورې په افغانستان کې حاکم ول، د ښځو د زده کړو په ګدون پر دوی پراخ محدودیتونه وضع کړي ول.
د ملګرو ملتونو د بشري حقونو کمیسارې همدا راز په خپله وینا کې په افغانستان د فعالانو او مظاهره چیانو د اجباري ورکیدو د یو شمیر دردوونکو پیښو یادونه هم وکړه او د بیان د آزادۍ په برخه کې یې پر محدودیتونو هم اندېښنه څرګنده کړه. ټاکل شوې ده چې په ژنیف کې د ملګرو ملتونو د بشري حقونو کمیسیون به د افغانستان له پاره ځانګړی راپور ورکوونکی وګماري، څو د طالبانو له لوري سرغړونې وڅاري او مستند یې کړي.
دا په داسې حال کې ده چې په ملګرو ملتونو کې د امریکا متحده ایالاتو سفیر شیبا کراکر پرون د دوشنبې په ورځ یادې غونډې ته وویل چې دا به یو ډیر مهم میکنازم وي چې د سرغړونې مستندي شي. هغې پر طالبانو هم غږ وکړ څو د ملګرو ملتونو له یادې ډلې سره همکاري وکړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.