امریکې په هند کې د ﷺمُحَمَّد په اړه لانجمن بيانونه غندلي
د امریکې د بهرنیو چارو وزارت ویلي، د پېغمبر اسلام په اړه چې په هند کې د واکمنه ګوند [بي جی پي] دوه مشرانو کوم بیانونه ورکړي امریکا يې غنده کړې او کوي يې.
د امريکې د بهرنيو چارو د وزارت وياند نېډ پرايس دغه خبره په خبري غونډه کې کړې ده.
په هند کې واکمنه ګوند بهارتيه جنتا پارټۍ [بي جی پې] هغه دوه مشران د ګوند څخه ويستي چا چې د پېغمبر اسلام په اړه لانجمنه بيانونه ورکړي دي، او ويلي يې دي دغه ګوند مذهبونو ته احترام لري او د یو مذهب د سپکاوي اجازت هم نه ورکوي.
بي جی پي د خپل ګوند مشرانو او نورو غړو ته ويلي چې په ټیلي ويژن بحثونو کې په مذهب د بحث څخه ډډه کوي.
د هند حکومت ويلي چې د بي جی پي د دواړو مشرانو بيانونه د حکومت نظر نه دی او حکومت د ټولو مذهبونو احترام کوي خو د هند وزيراعظم نريندرا مودي په دغه اړوند په خپله څه نه دي ويلي.
نېډ پرايس ويلي د امريکې د بهرنيو چارو وزیر انتوني بلينکن تېر کال د هند په سفر کې ويلي وو چې د امریکا او هند ولس په يو شان اقدارو يقين لري، چې پکې انساني اقدار او احترام، برابري او مذهبي ازادي شامل دي.
په هند کې د بي جی پي د مشرانو لخوا د پېغمبر اسلام په اړه بيانونو پرضد په بېلابيلو ملکونو کې احتجاجي مظاهرې روانې دي.
په هند کې دننه هم د دغو بيانونو پرضد مظاهرې کيږي او ځینې مطبوعاتي راپورونه وايي د ځینو مظاهره چیانو کورونه وران کړی شوي دي او د دغه ګام په هند کې دننه سخته غندنه کيږي.
ځینې هندي چارواکي وايي په غېر قانونه توګه جوړ کړی شوي کورونه ورانوي خو سياستوالو، مخکنيو ججانو او د بشري حقونو غړو سپريم کورټ ته خط ليکلی چې د دغو پېښو نوټس واخلي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.