د هند د بهرنیو چارو وزیر «اېسجې شنکر» د روانې اوونۍ د شنبې پر ورځ د دغه هېواد په وډوډارا ښار کې د یوې غونډې پرمهال ویلي چې پاکستان په نړیواله ترهګرۍ کې لاس لري.
شنکر په خپله وینا کې ویلي، د نړۍ هېڅ هېواد دومره ترهګري نه کوي، لکه څومره چې پاکستان ځان پرې بوخت ساتلی دی.
د هندي رسنیو په حواله نوموړي خپله وینا کې همداراز ویلي چې نړیوال هند په معلوماتي ټکنالوژۍ کې د یوه مخکښ هېواد په توګه پېژني په داسې حال کې چې پاکستان د یوه نړیوال ترهګر په توګه پېژندل شوی دی.
بلخوا د پاکستان د بهرنیو چارو وزارت نن دوشنبه د تلې یوولسمه په یوې خبرپاڼه کې د هند د بهرنیو چارو وزیر دغه څرګندونې بېبنسټه بللي دي.
د پاکستان د بهرنیو چارو وزارت په خپرپاڼه کې ویل شوي چې دغه هېواد د هند له لوري هغه ادعاوې ردوي چې ګواکې پاکستان په «نړیوال تروریزم» کې ښکېل دی.
خبرپاڼه کې د هند تر ولکې لاندې کشمېر ته په اشارې سره ویل شوي چې هندي ځواکونه کشمېر کې بې ګناه خلک وژني او ترهګرۍ ته لمن وهي.
په همدې حال کې د پاکستان د بهرنیو چارو وزارت همداراز ویلي چې د ترهګرۍ پر وړاندې او د نړیوالې سولې د ټينګښت برخه کې د دغه هېواد هڅې د نړیوالو له لوري منل شوي دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.