د ښيښې تر ګیلاس را وتلی ادب به نو څه ادب

تور او سپین ادبي ټولنه !
دلته د ډیرو په نظر ادبي ټولنو کي يوازي شاعران ګډون کولی سي یعني زما رنګه ډرټي ریلیسټانو ته هلته اجازت نسته. ..
یو جهان منَنه !

د ماسکو او ایبرډین (سکاټ لینډ) ناصیحینو زه هیڅ کله نه کړم مطمئین ، د اشتراکي روس د ماتیدو پس په ماسکو کي زاړه کامریډان ډیر خوابدي وو البته ځوانانو په نوي سرمایه دارانه نظام کي ځان د امریکن جیک ډینیل تر اثر لاندي لیدل او د بیا د راتلونکي نوي سهار یو مست خوب هم…
موږ ته چون له بده مرغه هر ” ازم ” نیم هم نه دی را رسیدلی نو نه پوهیږو چي څنګه یې تحلیل کړو. کامریډ عبدل علي سټالنوف دلته د ازم تر بطن خپل ښایسته مخ را باسي، تود هر کلی ورته وایو !

زموږ مسله دا ده چي د سوریلیزم له خیالي شاپیریانو سره پر هغه نرم او ګرم بستر اوس له پیړیو په یو داسي مست سیکس اخته یو چي له بده مرغه یوه نطفه هم نه جوړوي…
نهمه څه کوې اوس خو یو سل نهمه (۱۰۹) میاشته هم تیره سوه ، نطفه ګر رګونه ټول وچ سول، اوس وینه تویوي !

زه چي هر څومره هڅه وکړم زه شاعر نه سم جوړېدئ…،… یا خو دا د فطرت قانون دی، یا د فنون تضاد او یا خو زما وینه ګردش نه خوري. بله ورځ زوی هم را ته ویل ته باید ځان ته بله دنده و ګورې. دا توری ” دنده ” یې خوند را نه کړ.

مرګه جار دي تر پنجو سم چي بله ورځ دي بیا د روح او وجود په حقیقت پوهه پروفیسر راز محمد راز را په یاد کړ. ..
د تور قبر مکین بله ورځ هغه چا هم یاد کړ کوم چا ته چي سیکس اوس هم ممنوعه څه ښکاري. ما ته مي زموږ د لیکوالانو دا د موقعه پرستۍ په قبا پټ فطرت ډیر خوند را کړ. د تور قبر مکین بې خونده اصطلاح ده، قدرت ته خواست دی چي دا ” اصطلاح ” بدله کړې.

راز ته هم ستاسو په ادبي ټولنو کي د شراکت اجازت سته که نه او که هغه بیا هلته په ” تور قبر ” کي و جون ایلیا یا روف بینوا ته خپله شاعري وړاندي کړي؟….
جون ایلیا که څه هم یو سیکولر څوک وو خو یو لوی توهم پرست هم وو. توبه که دا ټرائیکا سره یو ځای سوه؟….

مسله دا ده چي د ښيښې تر ګیلاس را وتلی ادب ژر مات سي، بیخي چي څنګه سهار لمر سترګه و وهي.

وروره، دلته د تیارو د بقا مسله را پیښه ده چي د لمر ګرمه رڼا یې وجود ور سوځوي. دا ظلم نه دی؟