طالبانو بيا په افغانستان کې د «قصاص» حکم پلی کړی

182
صفت الله زاهدي – دویچه ویله
5 ساعتونه مخکې

طالبانو ويلي دي چي په فراه ولايت کي يې يو کس په عام محضر کي اعدام کړی دی. دا د طالبانو په بيا راتګ سره لومړی وار دی چي پر يوه کس د خلکو په مخ کي د «قصاص حکم» پلی کيږي.

د طالبانو د حکومت ویاند ذبیح الله مجاهد پر خپل ټویټر پاڼه لیکلې دي چې «د دغه حکم د تطبیق له پاره د هیواد سترې محکمې ته هدایت وشو چې د قصاص حکم باید نن چهارشنبه د فراه ولایت په مرکز کې د هیوادوالو په یوه مجموعه کې تطبیق کړي.»

د روان کال په نوومبر مياشت کي د طالبانو مشر هيبت الله اخندزاده د دغه هيواد قاضيانو ته لارښوونه وکړه چي »حدود او قصاص« عملي کړي.

په عام محضر کي اعدام، سنګسار، د لواطت په جرم پر تورن کس د ديوال چپه کول، د غلو لاس يا يوه پښه پرې کول او په دورو وهل په حدودو کي شامل دي.

له هغه وخت راهيسي چي طالبان بيا واک ته رسېدلي دي په څو ولايتونو کي يې د مختلفو جرمونو په تور څو کسان په دورو وهلي، خو دا لومړی ځل دی چي په فراه کي دغه اعدام رسمي اعلانيږي.

طالبان د افغانستان مرکز کابل کې
طالبان د افغانستان مرکز کابل کېانځور: AFP

له تیرو دوو میاشتو راهیسې طالبانو د افغانستان په ځينو ولایتونو کې د بیلابیلو جرمونو په تور ځينو کسانو ته چې ښځي هم پکې شامل دي تعزیري سزاوي ورکړي دي.

د تيرکال په اګست مياشت کي چي طالبان بيا پر افغانستان واکمن سول، ويل يې چي د خپلي لومړی دورې په شان به عمل و نه کړي، خو اوس داسي ښکاري چي دوی دي خپلي ژمني ماتي کړي وي.

د بشري حقونو عالي کمېشنرۍ او د بخښنې نړیوال سازمان په ګډون یو شمېر بنسټونو د طالبانو له خوا په عام محضر کې د ښځو او نارینه وو په دورو وهلو ته غبرګونونه هم ښودلي ول.

—————————————————————————————————–

 

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.