چارلي چاپلین وایي

د نړۍ د سینما په تاریخ کې تر ټولو مشهور کومېډین «چارلي چاپلین» وايي:

کله چې زه ماشوم وم، له پلار سره د سرکس لوبې لیدو ته لاړم. د ټکټونو د اخیستو لپاره په اوږده لیکه کې ولاړ وو، مخې ته مو د شپږو ماشومانو کورنۍ وه، مور او پلار یې بېوزله ښکارېدل.

هغه ماشومان ډېر خوشاله ښکارېدل. کله چې د دوی وار راغی، نو پلار یې د ټکټ‌ پلورنې دفتر ته ورغی او د ټکټ د قېمت پوښتنه یې ترې وکړه، کله چې د ټکټ پلورنې د دفتر کارکونکي ورته د ټکت د قیمت په اړه وویل، پلار یې چې په جيب کې تکټ پرېکولو پيسې نه درلودلې، د خپلې کورنۍ پر وړاندې خجالت شو.

ومې ليدل چې پلار مې له جيب څخه شل پونډه راواېستل او په ځمکه يې وغورځول، بيا يې راپورته کړل او د سړي په اوږه يې لاس کېښود او ورته يې وويل: ستا پيسې لوېدلې دي! سړي زما پلار ته وکتل، په داسې حال کې، چې به سترګو کې یې اوښکې وې ورته وویل مننه صاحبه.

وروسته له هغه، چې دوی ننوتل پلار مې زه له لاسه ونیولم او موږ له کتار څخه شاته شو، ځکه، چې هغه یوازې هماغه شل پونډه درلودل، چې هغه سړي ته يې ورکړل.

له هغې ورځې راهیسې زه په خپل پلار ویاړم او دا زما په ژوند کې تر ټولو ښکلې ننداره وه، حتا د سرکس د لوبې له نندارې څخه هم ډیره ښکلې وه، چې ما نه وه لیدلې.

ـــــــــــــــــــــــــــــــــــــ