خپلې موخې پر کاغذ ولیکئ

که غواړئ بریالي شئ؛ موږ يې ۲۲ لارې درښايوو؛ د دې ليکنې په لوستو به پوه شئ، چې د کومو لارو په تعقیبولو ځان يو بریالی شخص جوړ کړئ.

يو: د هر کار له ترسره کولو وړاندې د خپل ځان څخه وپوښتئ، چې د دې کار ترسره کول/ نه ترسره کول به زما په راتلوونکي ژوند څه تاثير ولري؟ که ځواب مثبت و، اقدام او که منفي و له سره پرې فکر وکړئ.

دوه: راتلوونکي لپاره بهترينه لاره د هغې لارې جوړول دي، چې تاسو پرې مخکې تګ لرئ.

درې: هېڅ دنده راتلوونکی نه لري، بلکې راتلوونکی کولای شي، چې شخص د يو منصف خاوند کړي.

څلور: خوشبختي هغه وخت ترلاسه کولای شئ، چې کوم کار، چې تاسو يې ترسره کوئ، په هغه باور ورلرئ، په ښه ډول وپېژنئ او مينه ورسره ولرئ.

پينځه: د کار کولو وړتيا نه لرل او يا د مناسب چاپيريال نه شتون ستاسو د پرمختګ مانع نه شي کېدی، بلکې ستاسو په خپل ځان د باور نه شتون ستاسو د پرمختګ مخه نيسي.

شپږ: ستاسو کړنې، ستاسو شخصيت جوړه وي.

اوه: ژوند د يو پېچلي قلف په څېر دی، يوازې هغه کار، چې بايد تاسو يې وکړئ دا دی، چې خپل کارونه په شماره وار او منظم ډول ترسره کړئ، ترڅو پېش بيني شوې نتيجه په ښه شکل ترلاسه کړئ.

اته: مثبت فکر او ليدلوری مو په ځان او نفس باور زياتوي.

نهه: ستونزې مو نه ودروي، بلکې زده کړه درکوي.

لس: هېڅ څوک ستاسو څخه بهتره نه دي، يوازې ځينې کسان په ځانګړو برخو کې ستاسو څخه ډېره پوهه او علم لري.

يوولس: هره لويه بريا د زرګونو کوچنيو او عادي هڅو نتيجه وي، چې ډېر وخت د نورو د توجو او پاملرنې وړ نه ګرځي.

دولس: ستاسو باور ستاسو د فکر او انسانيت ترجمان دی.

ديارلس: په کاغذ ستاسو ليکل شوې موخې، تاسو سره سل فيصده مرسته کوي، چې په ښه شکل يې ترلاسه کړئ.

څوارلس: مهمه نه ده، چې له کوم ځای څخه راغلئ، بلکې مهمه دا ده، چې چېرته روان استئ.

پينځه لس: دقت او تمرکز د عمل کولو دوه مهم عاملونه دي، ځانګړې پاملرنه ورته پکار ده.

شپاړس: روښانه او له وړاندې تعين شوي اهداف د پرمختګ او برياليتوب لپاره مهم عنصرونه دي.

اوه لس: د شروع کولو تصميم د پای ته رسولو له تصميم څخه مهم دی.

اته لس: د پيسو او نورو ضرورتونو لپاره وخت مهم شی دی، چې په ژوند کې ورته بايد ځانګړې پاملرنه وشي.

نوولس: د نن ورځې بريالي کسان هغه څوک دي، چې د خپلو سيالانو څخه ډېر پوهېږي.

شل: لويې هيلې ولرئ، يوازې لويې هيلې کولای شي، چې ستاسو روحيه او ذهن فعال وساتي.

يو ويشت: هر کار، چې تاسو يې ترسره کوئ وخت ته اړتيا لري، خپل وخت ارزانه مه پلورئ.

دوه ويشت: که چېرې مرغۍ خپل مرداری ستاسو په سر توی کړي، خوشحاله شئ، ځکه، چې غوايان الوت نه شي کولای.
ژباړه مو که خوښه شوې وي؛ نو له نورو سره يې هم شریکه کړئ.
ـــــــــــــــــــــــــــــــــــــــ