پوستکی داسې خرابېږي

د هرې مېرمنې ارمان دی چې پوستکی یې ښکلی، نرم او داسې وي چې په لیدو یې زړه ويده پاتې نه‌شي، خو دې هیلې ته د رسېدو له‌پاره لږ خوارۍ ته هم ته اړتیا شته.
تاسې ته نن ۸ داسې کارونه در ښيو چې بايد و يې نه کړئ، خو که مو کړل او پام ور ته و نه کړ، د پوستکي خیر مو نه‌شته.
۱. له سینګار سره مه ويده کېږئ
څېړنو ښوولې چې هر ډول د سینګار توکي په خپل ځان کې کېمیاوي مواد لري، ان ځینې خو یې داسې دي چې کولای شي چې تر پوستکي لاندې سوري مو بشپړ بند کړي او پوستکي ته مو زیان ورسوي، خو که له سینګار سره وېده شوئ، نه یوازې به مو پوستکی خراب شي، بلکې ژر به زړې هم شئ.
۲. د زړښت ضد کریم مه کاروئ
یو شمېر د دې له‌پاره چې ځوانې ښکاره شي، داسې کریم کاروي چې زیات کېمیاوي مواد لري او د یوه لنډ مهال په مخه یې تازه ښکاره کوي، خو مه هېروئ چې دا ډول کریم مو پوستکی بربادوي او که مو وکارول د راتلونکي هېلې مه لرئ.
۳. د لمر ضد کريم مه هېروئ
په دې خو ټول پوهېږو چې پوستکي ته د لمر زیان هم کم نه دی، خو یو شمېر مېرمنې دومره ټنبلي کوي چې په لمر کې د ګرځېدو پر مهال هم لمر ضد کریم نه کاروي.
دا کار مه کوئ ګنې پوستکی به مو خراب شي.
۴. بې‌خوبي مه کوئ
د خوب کمی نه یوازې د روغتیا له‌پاره زیان رسوي، بلکې پوستکی هم خرابوي. که تاسې کله هم کم خوب وکړئ، سهار مو د مخ پوستکي ته ځېر شئ، کاملا به یې بدلون کړی وي.
دا چې پوستکی مو و نه زيانېږي او ژر خراب نه‌شي، پر خپل وخت ويده شئ او سهار هم په خپل وخت له خوبه بیدارې شئ. خپل وخت هر انسان ته معلوم دی.