د پنجاب دښمني یوازې د ډیورنډ پر سر نه ده/ سرور ستانکزی

پښتنو د تاریخ په اوږدو کې له پنجاب سره ډېرې جګړې کړي، هیڅ جګړه پنجاب ورځنې ګټلې نه ده. هر ځل، چې پنجاب د آزادۍ هڅه کړې، زمونږ نیکونو پر دا سر سر ټکولي، که د ۱۷۳۷ تر ۱۷۶۳ تاریخ ولولئ؛ د سیند او پنجاب خلک مو ډېر ځغلولي.
ګلخانان باید پر دې پوه شي، د پنجاب دښمني یوازې د ډیورنډ کرښه نه ده، د پنجاب دښمن یوازې د بر افغانستان، افغانان هم نه دي، پنجاب خپله تاریخي دښمني پالي. پنجاب بې کوره شوی، غلام پاته شوی، حق یې اخیستل شوی، دا هر څه افغان او خصوصاً د لر او بر پښتنو پرې کړي، د پنجاب هیڅ شی له یاده وتلی نه دی.
ای ګلخانه؛ زارۍ درته کوم، په خپل ځان او پر ما رحم وکړه، نور راویښ شه، قسم مې دې په رب وي که پنجاب درخپل کړای شې، پنجاب زما او ستا دواړو ختمول غواړي، پنجاب به هیڅ وخت له خپلې تاریخي دښمني تیر نشي، د پنجاب هر څه پر یاد دي.
ای ګلخانه؛ دا هم واوره، که راویښ نشوې، د دوست او دښمن توپیر دې په خپل وخت ونه کړ، بیا دا ورځ ډېر زر راتلونکې ده، زه به یې پر تا وژلی یم، ته به یوازې یې، بیا به همدا پنجاب ستا پر عزت، کور، ښځو … هر څه درخیژي، زما روح به هر څه ویني، بیا به ډېر درته ځوریږم، خو نړۍ ته د بیا راتګ اجازه به نه لرم، تر څو عملي مرسته دې وکړم، د نړۍ پردي ملتونه به یوازې ننداره کوي، که ډېر ښه درسره وکړي، پر تا ظلم به وغندي.