جاويد هميم کاکړ
کابل (پژواک، ١٧ ليندۍ ٩٧) : روسيې د افغانستان دسولې په اړه د ملګرو ملتونو يوه پرېکړه ليک ته رايه نه ده ورکړې.
په نيويارک کې د ملګرو ملتونو له دفتر څخه په يوه خپره شوې خبرپاڼه کې راغلي، چې دتېرې پنجشنبې په ورځ په دغه سازمان کې د افغانستان په اړه کلنۍ ځانګړې غونډه جوړه شوې وه.
سرچينې زياته کړې، د غونډې ګډونوالو له افغانستان سره خپل دوامداره ملاتړ ، د ترهګرۍ او نشه يي توکو پر ضد د افغان حکومت له مبارزې ملاتړ وکړ.
په خبرپاڼه کې راغلي،د غونډې ټولو ګډونوالو په افغانستان کې د تاوتريخوالي پر زياتېدو اندېښنه وښوده او له افغان حکومت سره يې خپل ملاتړ څرګند کړ.
ملګرو ملتونو ويلي، د افغانستان د ملاتړ په اړه رايه اچونه هم وشوه، چې ١٢٤ هېوادونو مثبته او درېيو هېوادونو ممتنع رايه وکاروله.
د سرچينې په وينا، روسيې، ليبيا او زمبابوې د افغانستان د ملاتړ په موخه وړاندې شوي پرېکړه ليک ته مثبته رايه ورنه کړه.
په ملګرو ملتونو کې د روسيې استازي نيوکه وکړه چې په دغه پرېکړه ليک کې د روسيې اندېښنو ته پاملرنه نه ده شوې، ځکه يې په ملاتړ رايه ورنه کړه.
هغه ادعا وکړه چې په افغانستان کې د ځينو هېوادونو د فعاليتونو له امله ددغه هېواد حالات خراب شوي دي. خو د کوم هېواد نوم يې وانخيست.
د روسيې استازي داهم وويل چې په دغه پرېکړه ليک کې د داعش ډلې له خوا رامنځته شوي ګواښونه له پامه غورځول شوي دي.
په دغه پرېکړه ليک کې راغلي، د ملګرو ملتونو عمومي اسامبلۍ د بيارغونې، سولې، ثبات اقتصادي پرمختګ، پر ځان بساينې او له ترهګرۍ او نشه يي توکو پاک افغانستان څخه ملاتړ کوي.
په ملګرو ملتونو کې د افغانستان ځانګړي استازي محمود صيقل ويلي چې وروستيو تاوتريخوالو افغانان ډېر ځپلي، چې د ويلو نه دي.
هغه ځينې هېوادونه تورن کړي چې په افغانستان کې لاسوهنې کوي چې له امله يې د افغان ځواکونو مرګ ژوبله زياته شوې ده.
ده زياته کړه، د افغان سولې په اړه وروستۍ پيل شوې هلې ځلې هيله بښوونکې دي.
نوموړي په تېر کوچيني اختر کې اوربند، د اسلامي کنفرانس له خوا د افغان سولې په اړه په جده کې ترسره شوى کنفرانس د سولې په برخه کې لاسته راوړنې وبللې.
د جرمني استازي چې دغه پرېکړه ليک يې وړاندې کړ، د افغانستان پر وروستيو نا امنيو اندېښنه وښوده.
د نوموړي په وينا، د افغان شخړې يواځينۍ حل لاره د افغانانو په مشرۍ او مالکيت باندې د سولې پروسه ده.
په ياده غونډه کې ډېرى ګډونوالو په افغانستان کې د ولسي جرګې د ټاکنو ترسره کېدل وستايل او دا يې دديموکراسۍ پر لوري يو مهم ګام وباله.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
