د مولانا فضل الرحمان په تاييد :
دا څنګه هند دی؟ چې په کشمير کې دښمن خو په کرتاپور کې دوست دی
دا څنګه لېوه وو چې يوسف يې خوړلو او کميس يې ترې روغ ايستلی وو؟
الله تعالی دې لروبر افغانان لږ راوېښ کړي چې خپل کور او خپل دوست و دښمن وپېژني. د غني راتګ نه يوازې افغانانو، بلکې دې ټولې سيمې ته د سولې و پرمختګ زيری دی. پوهه وځان پېژندنه رامخته کيږي وجهالت يو لور ته کيږي. ملتونه راويښيږي. د ې ټولې سيمې ته يا په بله مانا د جنوبي و مرکزي اسيا او د اسيا و اروپا د لويو وچو د اتصال واقتصادي پرمختګ يو بېساری انقلاب ((بدلون/اوړون)) راروان دی.
پښتانه يو متل کوي چې ((له ډم نه مې کم مه ګڼه)). عمرانخان ورياست يې له پښتنو او نورو اقليتونو سره څنګه توپيري چلند کوي؟
ګرانو هېوادوالو ته پته ده چې زموږ د لرې پښتونخوا اسلامي درېواړه ډلې چې يو وخت يې د پنجاب په چوپړ کې شپه و ورځ پر ځان يوه کړې وه او اوس هم د پنجاب تر منتر لاندې دي، خو زموږ د برو اسلامپالو پورې دومره دي چې ښه وبد او خپلې ملې ګټې توپيرولی او پېژندلی شي، خو زموږ خواران يې لا تراوسه په توپير او پېژندنه کې پاتې راغلي دي.
مولانا صاحب چې تل په سياست کې لوبېدلی او ډېرې سړې ګرمې يې له مخې تېرې شوي دي په ډېره ساده او اسانه ژبه څنګه ښکلې پوښتنه له خپل رياست او ولسه کړې چې ((دا څنګه هند دی؟ چې په کشمير کې دښمن، خو په کرتاپور کې دوست دی)). پښتانه په تېره بيا ملتپال ګونونه دې هم خپل ځان يوځلې په هنداره کې وويني چې د مولانا صاحب په خبره کې څومره درون وزن پروت دی؟
ولې رياست له دوی سره دغسې توپيري چلند کوي؟
ايا دوی له سيکانو هم بدتر دي؟
په دې هيله چې ټول ملتپاله او اسلامپاله پښتانه او نورې ډلې ټپلې د رياست د دوه مخې چلند پر وړاندې بې توپيره پاتې نه شي او پر وړاندې يې نېغ په زغرده ودريږي.
الله تعالی دې زموږ وړانده طالبان هم پوه کړي چې خپل ځان ومسووليت درک او وپېژني او د ولسمشر غني د سولې له وړانديزه هرکلی وکړي او خپل ځان په حيا کې د پنجابي رياست له اسارته راخلاص او د خپلواکۍ لار راخپله کړي. عزت و درناوی پخپله خاوره کې دی نه د نورو په لمن کې.
په درنښت
سيد حسين پاچا
فضل رحمان: دا څنګه هند دی؟ چې په کشمير کې دښمن خو په کرتاپور کې دوست دی
https://rohi.af/fullstory.php?id=80582
ولسمشر محمد اشرف غني د پاکستان ولسمشر ته طالبان او داعش مو ځپلي او تاسې يې هم وځپئ
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
