د ماضي ښار – د خلیل جبران غوره لیکنې او ویناوې
ژباړه او راټولونه: میوند محمد جمال
يوه ورځ ژوند زه په خپلو وزرو كېنوليم او د ځوانۍ درې ته يې بوتلم، ژوند راته اشاره وكړه او داسی یی و ویل :
شاته وګوره !؟ ما چې كله خپل مخ شاته واړوه يو ډېر عجيبه ښار مې تر سترګو شو چې په دغه ښار كې د مختلفو رنګنونو دودونه ښكاره كېدل چې په كلار كلار يې حركت كاوه، تر دی چی يوې وړې او نازکه وريځې زما په مخ پرده راوسته او دغه ښار زما له نظر څخه پناه شو د لږې چوپتيا نه وروسته ما ژوند ته وويل:
«اى ژونده دا زه څه وينم؟»
ژوند راته وويل:
«دا د ماضي (تېروخت) ښار دى ! ښه په ځېر دغه ښار ته وګوره او پری فكر وكړه»
ما هغه ښار ته ور وكتل ما هلته ډېر څه وليدل ، ما هلته د انسانانو په لاس ډېرې دنګې او قوي ماڼۍ وليدلې چې هغه خلک اوس په درانه خوب ويده دي ، چې د دغه ماڼیو د د جوړونكو قوت او پوه ترينه له ورایه ښکاریده .
ما هلته د خبرو مجلسونه وليدل چې په دغه مجلسونو كې ما يوسه او خفه روحونه هم ول او د خوشحالى او هوس نه ډك مخونه هم .
ما د وريځو شاته د لوړ فكرونو منارونه هم وليدل چې د سوالګرو غوندې يې لاسونه نيولي ول.
ماهلته د حرص لارې هم وليدلې چې هغه په درو كې لكه د سيندونو خورې پرتې وې. ما په دغه ښار كې د اسرار غټ غټ پنډونه هم وليدل چې هغه دپردو تر شا پټ شوی ول .
ما هلته هغه منارونه هم وليدل چې هغه زړورتيا جوړ كړي ول خو د ويرې له امله تت ښكارېدل.
ما په دغه ښار كې د خوبونو هغه كاروان هم وليده چې د شپې خوب یی روان كړى و، خو د ورځې ويښتيا هغه ته لكه د دېوال سپر داسې ولاړ و.
ما هلته د كمزورتیا او بي وزلي خيمې هم وليدلې او د زاهدانو عبادت ځايونه هم .
ما په دغه ښار كې د علم او پوهې بلې شوې شمعې هم وليدلې او جهالت او بې علمي تكه توره او تياره شپه هم.
ما په دغه ښار كې ټول ژوند وليده چېرته چې ژوند خپلې ټولې لوبې ترسره كړې وې.
دا د تېر وخت (ماضي) ښار دى چې مونږ ته ليرې ښكاري خو داسې نه ده د تېروخت دغه ښار زمونږ څخه دومره ليرې نه دى.
د دې هرڅه نه وروسته ژوند ماته يوځل بيا وويل:
«اوس زما پسې راځه مونږ دلته ډېر وخت تېر كړ»
ما د ژوند نه وپوښتل:
«اى ژونده! مونږ چېرته روان يو»
ژوند راته په ځواب كې وويل:
«اوس مونږ د راتلونكي وخت (مستقبل) په لور روان يو»
ما ژوند ته وويل:
«اى ژونده! نور زما په حال رحم وكړه زه ډېر زيات ستړى شوى يم او زما پښې زخمي شوي دي چې د هغې له امله نور قدم نشم وهلى»
مګر ژوند راته وويل:
«اى دوسته! قدم واخله په نيمايي لاره كې پاتې كېدل ډېره بزدلي او د احمقانو کار دی، د تېر وخت په اړه فكر كول او په هماغه تېر وخت كې اوسېدل صرف د نا اهلو او ناکامو خلکو كار دى»
د دمعة والبسامة كتاب ۷۸ مخ
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
