فېسبوک او کارونه يې

فېسبوک یوه ټولنیزه انترنيټي پاڼه ده، چې په کال ۲۰۰۳میلادي کې  دامریکا په هاروارډ پوهنتون کې د (مارک زګربرګ) لخوا جوړ او دنړۍ ټولو هېوادونو ته ورسیدل، دغه ټولنیزه شبکه  لس کاله وړاندې افغانستان ته راورسیده او خلکو ورڅخه ګټه پورته کړه، چې اوسمهال دیوې څیړنې له مخې ددې ټولنیزې شبکې کارونکي په نړۍ کې شاوخوا تر درې میلیاردو پورې رسیږي .

که چیرته یادې شبکې په ځوانانو یو څه منفي اغیزې ښیندلي، خو ډيریو ته سهولتونه او آسانتیاوې هم رامنځته کړي دي .

دفېسبوک کارونکي په نننۍ ټکنالوژۍ عصر کې له منفي خطراتو نه ډډه اوهڅه وکړي، چې هغه څه خپاره کړي، چې دخلکو دپوهې او مالوماتو کچه په لوړولو کې اغیزمن تمام شي. دناوړو موضوعګانو په خپراوې کې په کلکه مخنیوی او دغلطو انځورونو او ویډیوګانو په ځای دې دښکلو اوښایسته متنونو او خلکو ته وړ مطلبونه خپاره کړي .

که منفي لورې ته يې وګورو، نو دابه دخلکو په اذهانو ناوړه تاثیرات ولري، ځکه یوخو د وخت ضایع کیدو سبب کیږي او بل داچې دخلکو فکرونه خرابوي یا يې منفي لوري ته بیايي.

ځیني کسان چې له دغې شبکې نه ناوړه ګټه اخلي، دهغوی عواقب لــه خطرونو سره مخ کیږي او هم خپل شخصیت ترپښولاندې کوي .

که له ټولنیزو شبکو نه څوک ناوړه استفاده کوي، یا چا ته پکې سپکاوی او شخصیت وژنه کوي او په مستعار نومونو فېسبوک پاڼې جوړوي، دا يې دځان په شخصیت او علمیت ملنډې وهل دي، البته مقابل لوري ته کوم زیان نه رسیږي؛ بلکې دا به يې دکورنۍ  روزنه وي، چې دفېسبوک کارن يې کاروي .

فېسبوک کې ورځني مالومات، مطلبونه، او نور خورا مهم مضمونونه پورته کول دشخص په پوهې تړاو لري، ځکه نور کسان چې دده مطلبونه ګوري یا يې لولي ډیر څه زده کوي او هم خلک ورباندې مثبتې څرګندونې کوي، دلته به يې دموضوع دپورته کوونکي مطلب نورهم پیاوړې شي .

دفېسبوک کارونه دپوهې او پوهاوي لپاره ګټمن تمامیدای شي او که په غلطو يې څوک وکاروي، نو تر دې به لويه ناپوهۍ  په ټولنه کې نه وي. لوستي کسانو سره  نه ښايي، چې ټولنه دناپوهۍ لوري ته مخه ورکړي، بلکې کوښښ وکړي، چې دهمدې ټولنیزې شبکې له لارې بېلابېل علمي، معلوماتي او پرمختګیز متنونه وليکي او له دې ټولنیزې شبکې څخه به يې خلکو ته ډېرې ګټې دلیکنو لارې ترسره کړي وي  .