د مالوماتو له مخې، د هلمند له وروستۍ جګړې ۳۵ زره کسان بې ځایه کړي او مرکز لښکرګاه کې له سخت وضعیت سره ژوند کوي. ځینې راپورونه شته چې ۱۰ زره کورنۍ د نادعلي ولسوالۍ او باباجي له سیمې بې ځایه شوي دي.
دا جګړه اته ورځې وړاندې، په نادعلي ولسوالۍ او مرکز لښکرګاه اړوند باباجي سیمه کې پيل شوی چې نږدې دوه سوه ملکی وګړي پکې شهیدان شوي او ټپیان شوي دي.
طالبانو چې له امریکا سره هوکړه د تاوتریخوالي کمیدو باندې هوکړه کړې، د دې جګړې په تړاو رسما څه نه ویل او داسې یې ښودله چې هلمند کې یا خیرخیریت دی او یا هغه څوک چې دا جګړه کوي، په دوی پورې اړه نه لري.
طالبان ځکه په دې جګړه غلي و چې نه غواړي د امریکا او اروپايي ټولنې تر فشار او نیوکې سره مخ شي، ځکه دې ډلې له نړیوالو سره ژمنه کړې چې د بین الافغاني خبرو په پيل سره به تاوتریخوالی کمیږي.
د هلمند له جګړې څلور ورځې وروسته د طالبانو د فرهنګي کمېسیون رییس احمدالله وثیق له رسنیو سره خبرو کې عجیب منطق د دې جګړې لپاره وکارو.
وثیق ویلي چې دوی هلمند کې جګړه د مرکز لښکرګاه د نیول کیدو لپاره نه ده کړې، بلکې افغان ځواکونو د خلکو ځمکو کې پوستې جوړې کړې وې او خلکو ته یې مزاحمت کو، نو ځکه یې بریدونه وکړل.
وثیق په خپلو خبرو کې په ډيره سپین سترګۍ سره ویلي و چې د دوی جګړه د خلکو د ژوند د ارامتیا لپاره وه، خو له دې نه دی خبر چې د لس زره کورنیو ژوند یې ناارامه کړی او له خپلو کورونو یې بې ځایه کړي دي.
دا طالبي منطق دی چې د خلکو د ژوند د ارامښت لپاره د خلکو په کورونو او کلیو کې جګړه کوي، ایا د خلکو په کورونو کې جګړه د هغوی ژوند ارامولی شي.
د افغان ځواکونو پوستې چې د افغانستان په کومه سیمه کې پرتې وي، هلته د خلکو ژوند ارامه وي، یواځې هغه مهال ناارامه کیږي چې طالبان پرې بریدونه وکړي او جګړه رامنځ ته شي.
افغان امنیتي او دفاعي ځواکونه چې د هلمند نادعلي ولسوالۍ او باباجي سیمو کې میشت دي او یا مرکزونه او پوستې لري، د دې لپاره دي چې د سیمې خلک د طالبانو له شر خلاصي کړي، خو طالب چې اجرتي قاتل دی او د دې سیمې کنټرول غواړي د سیمې وضعیت یې خراب کړ او خلک یې له کورونو ویستلو ته اړ کړل.
طالب یواځې هلمند کې د خلکو ژوند دنه دی ناارامه کړی، بلکې د افغانستان په هره سیمه کې دې ډلې په خلکو ژوند ناارامه کړی او بیا دې جګړې ته د ازادۍ او جهاد د جګړې نوم ورکوي.
طالب د دې ټولنې لپاره ناسور ګرځیدلی، له خلکو یې ارام اخیستی او د اقغانستان د بیارغونې او پرمختګ مخه یې نیولې ده.
| Virus-free. www.avast.com |
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
