کابل (پژواک، ١٨ مرغومى ٩٩): د ناټو سازمان سرمنشي وايي چې په افغانستان کې پاتې کېدل او ترې وتل دواړه خپل خطرونه لري.
د ناټو سازمان سرمنشي جينز سټولټنبرګ دا څرګندونې پرون په جرمن پارلمان کې د کرسچین سوشل یونین ګروپ ته د ويډيو له لارې وينا کې کړې دي.
هغه زياته کړې چې ۲۰۲۱ کال نه یواځې د کرونا ویروس، بلکې په افغانستان کې د دغه سازمان ماموریت په ګډون د مختلفو امنیتي ننګونو په دلیل ځانګړی اهمیت لري.
دى وايي: “۲۰۲۱ کال د ناټو لپاره ډېر مهم دی؛ ځکه په افغانستان کې د خپل شتون په اړه باید پرېکړه وکړو. ”
د ناټو عمومي سرمنشي د افغانستان جمهوري دولت او طالبانو ترمنځ د قطر په پلازمېنه دوحه کې د سولې مذاکراتو دويم پړاو د پيلېدو هرکلی وکړ او ویې ویل چې دغه مذاکرات سولې ته د رسېدو او د سیاسي تفاهم له لارې د جګړې پای ته رسېدو یواځېنۍ لار ده.
دا په داسې حال کې ده چې د بين الافغاني مذاکراتو دويم پړاو لومړۍ مقدماتي ناسته پرون ماښام ترسره شوه.
سټولتنبرګ له افغانستانه د ناټو ځواکونو وتلو او يا نه وتلو په هکله وويل چې دغه سازمان په سخت موقف کې دی.
هغه وویل: “راتلونکې میاشت د ناټو غړو هېوادونو د دفاع وزیران غونډه کوي او هغوی باید پرېکړه وکړي چې ایا خپل پوځیان په افغانستان کې وساتي او په اوږمهاله پوځي شتون کې د ګير پاتې کېدو خطر ومني يا هم دا چې [افغانستان] خوشی کړي او د نړیوالو ترهګرو پر ځاله باندې د هغه د بیا بدلېدو خطر ومني. ”
خو د ناټو عمومي منشي ټينګار کړی، تر ټولو مهمه دا ده چې افغانستان یو ځل بیا نړیوالو ترهګرو ته پر امن ځای بدل نه شي.
هغه له امریکا سره په موافقه کې د طالبانو ژمنې ته په اشارې وویل، طالبان باید خپلې اړیکې د القاعده شبکې په ګډون له نړیوالو ترهګرو سره وشلوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
