د طالبانو له نوم سره د پاکستان نوم ځکه یادیږي چې پاکستاني پوځ او استخبارات په دې اعتراف کوي چې د خپلو ګټو لپاره طالبانو سره همکاري کوي، بشري قوه ورته برابروي او مالي امکانات ورکوي.
له دې طالبان هم انکار نه شي کولی او نه یې تراوسه انکار کړی دی چې ګنې دوی د پاکستان ملیشې نه دي.
طالبان ځکه د پاکستان له ملاتړ څخه نه شي منکر کیدلی چې پاکستان غواړي په افغانستان کې ځان ښکاره وښيي چې لاسوهنې کوي.
تاسو به تراوسه نه وي لیدلي چې طالبانو د کوم پاکستاني چارواکي د څرګندونو غبرګون کې ویلي وي چې موږ د پاکستان د ګټو لپاره افغانستان کې جګړه نه کوو.
تازه یو ځل بیا پاکستان کې د طالبانو فعالیتونه زیات شوي او دا فعالیتونه لار او سړکونو ته راوتلي دي.
کویټه کې د طالبانو فعالیت هیڅکله نه دی پټ شوی او ډير کله یې ښکاره غونډې کړي، په موټرو او موټر سایکلونو له بیرغونو سره ګرځي او وسلې ورسره وی.
د پاکستان حکومت هم پر دې ډله کار نه لري، ځکه پاکستان د طالبانو دوه ډوله تعریف کړی دی، ښه او بد طالبان، ښه طالبان هغه دي چې د پاکستان د ګټو لپاره نورو هېوادونو کې جګړه کوي او بد طالبان هغه دي چې د پاکستان پرضد فعالیتونه کوي او هر کله د پاکستان ګټو ته ګواښ وي.
پيښور کې د طالبانو ښکاره فعالیتونه لیدل کیږي او دا ډله له خپلو وسلو او بیرغونو سره بیلابیلو سیمو کې ښکاره ګرځي ، چندې ټولوي، تبلیغات کوي او لکه خپل کور یې چې وي داسې ګرځيدل کوی.
پاکستان د طالبانو فعالیت ته وروسته له هغې ښکاره اجازه ورکړه چې د امریکا او طالبانو له هوکړې وروسته طالبان د جګړې د بشري قوې له سخت کمښت سره مخ شول.
طالبان ځکه د وسله والو له کمښت سره مخ شول چې اوس طالبان هیڅ د جګړې لپاره شرعي دلیل نه لري، هیڅ دا جګړه نه شي توجیه کولی او له همدې کبله ورته ستونزمنه شوې چې ځوانان د جګړې لپاره جذب کړي.
پاکستان استخباراتو طالبانو ته ډاډ ورکړی چې یو شمېر مدرسې به واک کې ورکړي چې هلته پراخ تبلیغ وکړي او ځوانان د جګړو لپاره جذب کړي.
تر دې وړاندې هم د طالبانو وسله وال د پاکستان له مدرسو جذب کیدل، خو طالبان ورپسې نه سرګردانه کیدل، اوس طالبان په وسله والو پسې سخت سرګردانه ګرځي او هڅه کوي چې هر څه ژر خپلو لیکو ته کسان جذب کړی.
په دې برخه کې د پاکستان استخباراتو ورسره ژمنه کړې چې استخباراتي د مدرسو استادان به همکار شي چې خپل زده کوونکي افغانستان ته د جګړې لپاره ولیږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
