د کف او کالر جلوې

 خپلو ګټو کې دي ویـــــنو، چــې تر ټــــولو زورَ ور یې

د دردمـــــنو په زړګي کــــــې ، ته یو داغِ مــــکرَر یې

و هیــڅ چا ته دي تر اوســـه ، یو هنر هــم ښـــکاره نشو

مونږ دي وینو، چې له ځــایه، ته بی علــم او بی هنر یې

د حالاتو اندیښــنو ، زمــونږ دردمـن خلـــک زهیر کړل

ته تل اخـــته په خپل غــم کې  د فیشن ، کف او کالر یې

په ظاهره چې دې وینو، خو یوځان درباندی ګـــران دی

نور د ټول عـــالم له غمــــه ،او له حــــــاله بی خبر یې

جلوې دي هرې خــــوا دي ، په هر شیـــــبه لکه د ښځو

نه پوهـــــیږم حقیقت کې ، چې ته ښــــــځه او که نر یې

اداګـــــانو دي هر واری مـــونږ دردمــــن دي ، ژړولي

د دردمنو وطــــــــــــنپالو، په زړګي لکـــه شــــــرر یې

د دریځ وعــــــدې د ټـــــــولي، را وخــــــتې په درواغو

هیڅ کار، نه درنه جـــــوړیږي ، ته یوهسی لـــــنډغر یې

سیاست دانو په ټولي کې ، تا هسی ځـــــان ځـــای کړی

په حقــــیقت کــــــې ته نه پوه، نه عـــالم ، نه مــنوَر یې

د ښــــــــه رهبر دي نښـــــاني ،خلـکو له حاله خـــبریدل

خو ته په دواړو سترګو ړوند، په غوږو کوڼ،کور او کَر یې

د قدرت و تصـــــاحب ته، ســــــــتا چــــــغی د رنډۍ وي

د عمل پر ځـــــای کم بخــــــته ، بی تدبـــــیره بی اثر یې

که عالم دلته اورونو کې سوځـــــیږي ، پروا دي نشــــــته

خو چې ته یې تل خوشــــــــحاله ،ته به دي یقــین باوریې

د ماشـــوم په څیر دي وینو، چې خـــوی دي د ضدیت دی

کله ځــــــان سره پخـــــلا، کـــــــله له ځـــــــانه مرور یې

ځــــان دی وګــــوره باطن ، او د ضـــــــمیر په آیینې کې

که واقعی انســـــــان په شـــــان اهلِ لید اود بصــــــــَر یې

زه لـــــویی او له غروره دي ، فقط دومــــــره پوهـــــــیږم

چې ته ، نه اهـــــل د بصـــیرت، او نه صــــاحب نظر یې