د ملګرو ملتونو د کډوالو چارو ادارې له اګست مياشتې راهيسې په لومړي ځل پلازمينې کابل ته د بشري مرستو د رسولو په موخه هوايي دهلیز رامنځته کړی دی. په دې ترڅ کې په ټولیزه توګه ۳۳ ټنه توکي انتقال شوي دي.
د ملګرو ملتونو د کډوالو چارو ادارې «يو ان ايچ سي آر» وياند بابر بلوچ تائیده کړې ده چې د سه شنبې په ورځ (د نومبر ۲ نېټه) له دوبۍ څخه يوې چارتر الوتکې د کابل پر لور پرواز وکړ. د نوموړي په حواله په دې الوتکه کې پر نورو سربیره خیمې او د سرپناه د ژمي په شرائطو برابرولو له پاره اړين توکي بار دي.
د نوموړي په حواله په تولیزه توګه په دې الوتکه کې کابو ۳۳ ټنه مرستندويه توکي افغانستان ته وليږدول شول. دغه وياند چې دمګړۍ په کابل کې دی، وويل چې په راتلونکو ورځو کې به د «يو ان ايچ سي آر» دوې نورې په مرستندويه توکو بار الوتکې کابل ته ورسيږي.
بلوچ زياته کړه هيله ده چې تر دې وروسته به نور مرستندويه توکي هم افغانستان ته ورسیږي. د کابل په نړيوال هوايي ډګر کې د غير مطمين وضعيت له کبله له اوږدې مودې راهيسې پروازونه نه ترسره کيدل.
د يو ان ايچ سي آر په حواله افغانستان چې ژمی یې په ځينو سيمو کې ډېر سوړ وي، د حرارت درجه آن تر منفي ۲۵ سانتي ګرادو پورې ښکته کيږي. زياته شوې چې ډېر بې ځایه شوې کورنۍ چې په موقتي سرپناو کې ژوند کوي، ژمي ته هیڅ چمتووالی نه لري.
په افغانستان کې د اوږدې مودې تاوتريخوالي له کبله په ټولیزه توګه ۳،۵ میليونه ماشومان، ښځې او نارينه په هيواد کې دننه بې ځايه شوي دي. پر دغه شمير سږ کال ۷۰۰ زره نور نوي بې ځایه شوي ور اضافه شوي دي.
د ملګرو ملتونو د زراعت پروګرام «اف اې او» او د خوراک د نړيوال پروګرام «دبيلو اف پي» له خوا څه موده مخکې د خپرو شويو ارزونو په حواله د افغانستان کابو نيمايي نفوس په کافي اندازه خوراکي توکي نه لري چې دا څه نا څه ۱۹ میلیونه انسانان دي.
د دغو ارزونو په حواله کيدای شي په نومبر مياشت کې په افغانستان کې له لوږې څخه د اغيزمنو انسانانو شمير ۲۳ میلیونو ته ورسيږي.
په اګست مياشت کې واک ته د طالبانو تر رسيدو وروسته د ملګرو ملتونو او نورو سازمانونو بشري مرستندويان په افغانستان کې پاته شول خو د دغه هيواد اقتصاد ډېر کمزوری شوی دی او بهرنۍ مرستې هم درېدلي دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.