پولنډ ویلي دي چې له سپيني روسيې څخه یې خپل هیواد ته د سلګونو پناه غوښتونکو د غیر قانوني ورتګ هڅه ناکامه کړې ده. امریکا او اروپایي اتحادیي د دې «منظم مهاجرت» له پاره سپينه روسيه تورنه کړې ده.
ناټو پر سپيني روسيې (بیلاروس) د انتقاد کولو ترڅنګ د دوشنبې په ورځ وویل چې د الیکساندر لوکاشینکو حکومت مهاجرت د سیاسې وسیلې په توګه استعمالوي، په داسې حال کې چې اروپايي اتحادیه د مينسک پر ضد د نوو بندیزونو غوښتنه کوي.
بروکسل وایي لوکاشینکو د بشري حقونو د نقضولو له امله پر سپینې روسیې د اروپایي اتحادیي له خوا لګول شویو بندیزونو د غچ اخیستنې په خاطر اروپا ته په لوړه پيمانه د مهاجرو داخلیدل تشویقوي.
د پولنډ حکومت وایي: «د مهاجرت د یوې مصنوعي لارې په جوړولو سره او د مهاجرو له احساساتو څخه په ناوړه استفادې کولو سره بلاروس یعنې الیکساندر لوکاشینکو د پولنډ، لاتویا او لیتوانیا د بې ثباته کولو او پر اروپایي اتحادیي د فشار اچولو کوښښ کوي، څو د مينسک پر حکومت لګول شوي بندیزونه ختم کړای شي.» پولنډ د اروپایي اتحادیي او ناټو دواړو غړی دی.
له سرحده د تیریدو هڅه ناکامه کړای شوه
د پولنډ د دفاع وزارت په یوه تویت کې لیکلي دي: «د کورنیو چارو وزارت ځواکونه او پوځ وتوانیدل چې په لویه پيمانه په غیر قانوني توګه له سرحد څخه د تیریدنې کوښښ ناکامه کړي. مهاجرو د کوزنیسا په سیمه کې خپلې خیمې درولي دي. بيلاروس یې په پرله پسې ډول ساتنه کوي.»
د پولنډي حکومت یوه ویاند وویل چې سرحد ته نږدې له ۳۰۰۰ تر ۴۰۰۰ پورې مهاجر موجود دي.
د سپينې روسیې او پولنډ په سرحد کې بند پاتې مهاجر
د پولنډ سرحدي ساتونکو پر تویټر یوه ویډیو خپره کړې ده چې په هغې کې پناه غوښتونکي د اغزن سیمونو د پریکولو په حال کې لیدل کیږي.
دغه پناه غوښتونکي د منځني ختیځ هیوادونو دي چې د فقر او جګړو څخه د ځان ژغورنې په خاطر غواړي پولنډ ته ننوځي. د دوی ډېری عراقي کردان دي.
دغه پناه غوښتونکي وایي چې له داسې یوه حالت سره مخامخ دي چې نه دلته پاتېدای شي او نه هم مخکې تللی شي.
بيلاروس دغو کسانو ته بیرته خپل هیواد ته د ستنیدو اجازه نه ورکوي، او پولنډ بیا ورته له سرحد څخه د تیریدو د اجازې نه ورکولو ترڅنګ د دوی د پناه غوښتنې پر وړاندیز له غور کولو څخه هم انکار کوي.
د نړیوالې ټولنې غبرګون
د آلمان د کورنیو چارو وزیر د دې کړکېچ پر مهال له اروپايي اتحادیي سره د متحد او یوځای پاتېدو غوښتنه کړې ده. هغه ویلي دي: «موږ باید له پولنډ سره د دغه هیواد د سرحدونو د حفاظت په برخه کې مرسته وکړو. دا په حقیقت کې د اروپایي کمېسیون کار دی. زه له دغه کمېسیون څخه غواړم چې اقدامات وکړي.»
د اروپايي کمېسیون مشرې ارزولا فون دیرلاین له ۲۷ غړو هیوادونو څخه د دې «شدیدې حملې مسئولین [بیلاروس چارواکو]» پر ضد د لا زیاتو بندیزونو د تجدید نظر غوښتنه کړې ده.
فون دیر لاین په یوه وینا کې وویل: «د بيلاروس چارواکي باید په دې پوه شي چې له مهاجرو څخه پر اروپایي اتحادیي د فشار اچولو د دوی دغه هڅه نه شي کامیابیدلی. د سیاسي مقاصدو له پاره له مهاجرو څخه کار اخیستنه د نه منلو وړ ده.»
هغې وویل چې دوی پر دې خبره هم غور کوي چې څنګه کولی شي بيلاروس يا سپيني روسيې ته د مهاجرو پر انتقالوونکو هوایي شرکتونو بندیزونه ولګول شي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.