پاکستاني رسنیو ویلي چې د پاکستان د ملي امنیت سلاکار به د سې شنبې په ورځ د یوه لوړ پوړي پلاوي په مشرۍ کابل ته ولاړ شي او هلته به له طالب چارواکو سره پر بشري وضعیت او دوه اړخیزو اړیکو خبرې وکړي.
ورځپاڼې لیکلي، کابل ته د پاکستان د ملي امنیت د سلاکار د سفر هدف په افغانستان کې د بشري وضعیت ارزول او د دوه اړخیزو اړیکو په اړه له طالبانو سره خبرې کول دي. دا افغانستان ته د طالبانو د واکمنۍ له راتګ وروسته د پاکستان د چارواکو دویم سفر دی.
د راپورونو له مخې د پاکستان د ملي امنیت سلاکار به له لوړپوړو طالب چارواکو سره وګوري او د پاکستان د لومړي وزیر عمران خان پیغام ور ورسوي. د پاکستان د ډان ورځپاڼې لیکلي چې یوسف معید، افغانستان ته د تلونکي پاکستاني پلاوي مشري کوي، چې افغانستان ته د پاکستان د بشري مرستو رسولو لپاره جوړه شوې ده.
دا سفر لږ وروسته له هغه کېږي چې د پاکستان لومړي وزیر عمران خان، د افغانستان په اړه د بهرنیو چارو وزارت په یوه غونډه کې پاکستاني چارواکو ته لارښوونه وکړه چې افغانستان ته د روزل شویو او متخصصو بشري قوې د لېږلو پر لارو چارو غور وکړي. د پاکستان د لومړي وزیر څرګندونو د یوشمېر پخوانیو افغان چارواکو او د ټولنیزو رسنیو کاروونکو توند غبرګونونه راوپارول. طالبانو د عمران خان په ځواب کې دا هم ویلي چې افغانستان کافي متخصص پرسونل لري او بهرنیو بشري قوې ته اړتیا نه لري.
تر دې مخکې نیویارک ټایمز امریکايي ورځپاڼې راپور ورکړی وو چې د طالبانو حکومت د متخصصو افرادو د کمښت سره مخ دی او د دې ستونزې د حل له پاره په پاکستان کې میشت افغان کډوال استخداموي.
که څه هم اسلام اباد ویلي چې افغانستان ته د ملي امنیت د سلاکار د سفر موخه د بشردوستانه وضعیت بیاکتنه او د بشري مرستو د رسولو څرنګوالی وو، خو ایکسپریس ټریبیون پاکستانۍ ورځپاڼې راپور ورکړی چې د پاکستان او پاکستاني طالبانو ترمنځ د وروستیو سرحدي تاو تریخوالي په اړه به هم په دې سفر کې خبرې وشي.
طالبانو تر دې وړاندې اعلان کړی وو، چې د پاکستان د ملي امنیت سلاکار په مشرۍ یو پلاوی افغانستان ته د سرحدي کړکېچ د هواري لپاره راځي. د طالبانو یوه ویاند بلال کریمي د جنورۍ په اتمه دویچه ویله ته وویل چې ټاکل شوې د پاکستان یو پلاوی افغانستان ته سفر وکړي.
هغه دویچه ویله آلمان غږ ته په دې هکله ویلي وو: «پلاوى به په پاکستان کې د افغان کډوالو، اقتصادي، بشري او سوداګريزو ستونزو او همدارنګه د صفري کرښې په اوږدو کې په سيمه ييزه کچه د وروستيو تاوتريخوالي په اړه خبرې وکړي.»
دغه مسله وروسته له هغې رامنځ ته شوه چې د طالبانو سرحدي ځواکونو په یوه سیمه کې د ډیورنډ پر کرښته غځیدلی اغزن تار لرې کړ. پاکستاني چارواکو دغه کار جدي نه دی نیولی او ټینګار یې کړی چې پر ډیورنډ کرښه به د اغزن تار لګولو ته دوام ورکړي او په دې اړه به له طالب چارواکو سره خبرې وکړي.
معید یوسف د پاکستان د حکومت دریم جګپوړی چارواکی دی چې د طالبانو له واکمنۍ وروسته افغانستان ته سفر کوي. تر دې مخکې د ۲۰۲۱ کال په اکتوبر میاشت کې د پاکستان د بهرنیو چارو وزیر شاه محمود قریشي او د پاکستان د استخباراتو پخواني مشر جنرال فیض حمید هم افغانستان ته سفرونه کړي وو.
که څه هم پاکستان طالبان په رسمیت نه پېژني، خو د طالبانو له حکومت سره نیږدې اړیکي لري او په دې وروستیو کې د طالبانو د بهرنیو چارو وزیر امیر خان متقي هم پاکستان ته تللی وو.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.