د طالبانو یو جګپوړی پلاوی قطر ته رسیدلی څو د مختلفو هیوادونو له استازو او نړیوالو خیریه سازمانونو سره خبرې اترې وکړي. په دې وروستیو کې افغانستان کې بشري وضعیت خراب شوی دی.
د طالبانو د حکومت د بهرنیو چارو د سرپرست وزیر امیر خان متقي په مشرۍ د طالبانو د حکومت یو جګپوړی پلاوی پرون د یکشنبې په ورځ ناوخته قطر ته رسیدلی دی. د طالبانو د حکومت د نیږدې شپږ میاشتو په پوره کیدو سره لا هم هیڅ هیواد طالبان په رسمیت نه دي پیژندلي چې له کبله یې په افغانستان کې بشري وضعیت ورځ تر بلې د خرابیدو په حال کې دی.
د طالبانو د بهرنیو چارو وزارت د ټویټري پیغام له لارې ویلي چې د طالبانو دغه پلاوی به په قطر کې د خلیجي هیوادونو له چارواکو، د مختلفو هیوادونو له استازو او همدا راز د اروپايي ټولنې له استازو سره هم ملاقات ولري.
د طالبانو دغه جګپوړی پلاوی داسې مهال قطر ته سفر کوي چې افغانستان د هرې ورځې په تیریدو سره یوه بې ساري کړکیچ ته د نیږدې کیدو په حال کې دی. ځینو نړیوالو سرچینو قطر ته د طالبانو د پلاوي رسیدل هم تائید کړي دي.
د طالبانو چارواکي داسې مهال د اروپايي ټولنې له استازو سره د ملاقات خبر ورکوي، چې همدا څو اونۍ مخکې د تیرې جنورۍ میاشتې په وروستیو کې د ناروې اسلو ښار هم د طالبانو د یوه جګپوړي پلاوي کوربه وو. بل لوري ته طالبان چې د حکومت یې نیږدې ۶ میاشتې په پوره کیدو، تر اوسه پورې هیڅ هیواد په رسمیت نه دي پیژندلي. د ملګرو ملتونو په حواله د افغانستان د ټول نفوس نیږدې نیمايي د خوړو له کمښت سره مخامخ دی.
دا په داسې حال کې ده چې په دوحه کې د بریتانیا یوه حکومتي ویاند د فرانسې خبري اژانس ته په دې هکله وویل چې «د بریتانیا چارواکي لا هم له طالبانو سره عملي مذاکراتو ته ادامه ورکوي ترڅو د افغانانو د مرستې او ملاتړ له پاره موږ خپلې ژمنې پوره کړو.»
د بریتانیا د حکومت دغه ویاند ویلي دي چې «موږ په دوامداره توګه طالبانو ته د بشري حقونو په ځانګړې توګه د ښځو او نجونو د حقونو په هکله خپلې جدي اندیښنې واضح کوو…او موږ دا کابل ته د همدې فبرورۍ میاشتې په ۱۰مه د بریتانیا د یوه پلاوي د سفر پرمهال وکړل چې په دې سفر کې له متقي سره هم ملاقات شامل وو.»
بل لوري ته د طالبانو یوه بل پلاوي همدا څو ورځې وړاندې ژنيو ته هم سفر درلود او په دغه سفر کې یې د یو شمیر خیریه سازمانونو له چارواکو سره هم ملاقاتونه وکړل.
دیوچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.