د طالبانو د امر بالمعروف او نهي عن المنکر چارواکو وزارتونو او نورو دولتي ارګانونو ته لارښوونه کړې ده چې ښځينه کارکوونکي یې بايد حجاب وکړي. دا ډول احکامات تر اوسه اتو دولتي ادارو ته جاري کړل شوي دي.
د طالبانو د امر بالمعروف او نهي عن المنکر وزارت د وياند صادق عاکف مهاجر له خوا په دې اړه د دوشنبې په ورځ په جاري کړل شوې یوه اعلاميه کې همدا راز وزارتونو ته لارښوونه شوې ده چې هغه ښځې چې پوړنې یې نه وي پر سر کړی، دولتي ادارو ته له داخليدو منع کړي.
په دې اعلاميه کې همدا راز زياته شوې چې د حجاب له اصول څخه سرغړونکې میرمنې دې له دندو ګوښه کړل شي.
پر دې سربیره دولتي ادارو ته لارښوونه شوې ده چې خپلو ښځينه او نارينه کارکوونکو ته جلا دفترونه او همدا راز نارينه وو کارکوونکو ته د کار په ځای کې په جماعت سره د لمونځ د ادا کولو زمينه برابره کړي.
همدا راز ويل شوي چې کم سنه او هغه نارينه وو استخداميدل منع دي چې ږيره ونه لري.
په دولتي ادارو کې د ښځو له پاره د حجاب د اجباري کولو تر دې لارښوونې څه موده وړاندې ټکسي چلوونکو ته هم ويل شوي ول چې ښځې دې له محرم پرته په موټر کې نه کښينوي. همدا راز دا لارښوونه هم ورته شوې وه چې هغه ښځې دې چې حجاب یې نه وي کړی نه پورته کوي.
تېره مياشت د طالبانو د امر بالعمروف او نهي عن المنکر وزارت چارواکو د دوکانونو مخې او پر تبليغاتي لوحو داسې پوسترونه لګولي ول چې له ښځو څخه پکې د حجاب کولو غوښتنه شوې ده. دغه پوسترونه حجاب او برقعه ښکاره کوي.
په دې وروستیو کې هغه افغان ميرمنې چې د طالبانو د دې ډول محدوديتونو پر ضد مظاهرې کوي، ګواښل شوي او ځیني یې نيول شوې وې.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.