د چارواکو په حواله په بلوچستان ایالت کې يوه بمي بريد لږ تر لږه درې کسان وژلي او ۱۸ نور یې ټپیان کړي دي. په وژل شويو او ټپيانو کې پوليس هم شامل دي. تر اوسه کومې ډلې د دې برید مسوولیت نه دی منلی.
آرشيف انځور
پېښه پرون، چهار شنبه (د مارچ دويمه نيټه) د بلوچستان ایالت په مرکز کويټه ښار کې د پوليسو د یوې ګزمې پر مهال شوې ده او د پوليسو موټر یې په نخښه کړی دی. د سيمه ایزو پوليسو يوه چارواکي فدا حسين شاه د فرانسې خبري آژانس ته وويل: «لږ تر لږه درې کسان وژل شوي چې د پوليسو يو لوړپوړی چارواکی هم پکې شامل دی.»
نوموړي زياته کړه چې ښايي د بريد هدف پوليس ول. هغه وويل: «پېښه د مخکې څخه د ځای پر ځای کړل شويو چاوديدونکو توکو په نتيجه کې رامنځته شوې او ظاهراً پکې دوه تر درې کيلوګرمه چاوديدونکي توکي کارول شوي دي.»
د پوليسو دغه چارواکی وويل چې د چاودنې له کبله ۱۸ تنه ټپيان شوي چې څلور پوليس هم پکې شامل دي.
د کويټې د ملکی روغتون وياند وسيم بيګ، هم د مړو شمير تائيد کړی خو د ټپيانو شمير یې زيات ښوولی او ویې ويل چې په پېښه کې ۲۵ تنه ټپيان شوي دي.
بلوچستان چې د مساحت له پلوه د پاکستان تر ټولو ستر ایالت دی، په طبيعي زيرمو سربیره هم د پاکستان تر ټولو بې وزله ايالت دی. دلته د بلوڅو د بیلتون غوښتونکو ډلو، د پاکستان تحريک طالبان او داعش ډلې ترڅنګ نورې ډلې هم فعالې دي.
تر اوسه هیڅ کومې ډلې د بريد پړه نه دی منلې که څه هم چې بلوڅ بيلتون غوښتونکو په دې تېرو میاشت کې پر امنيتي ځواکونو خپلو بريدونو ته زور ورکړی دی.
تېره مياشت هم لږ تر لږه نهه عسکر هغه وخت ووژل شول چې بلوڅ بيلتون غوښتونکو په همدې ایالت کې د پوځ پر دوو پوستو بريدونه وکړل. په سيمه کې د چين له خوا د «کمربند او سړک» یا سيپیک د پروژې په ترڅ کې د پانګونې سره ترنګلتيا نوره هم ډېره شوې ده ځکه د سيمې اوسيدونکي وايي چې دغو پروژې دوی ته هیڅ ګټه نه ده رسېدلې.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.