په برلین کي د یوې ۳۸ کلني مور او د هغې د ۹ کلني لور د وژلو په تور یو گاونډی نارینه مجرم پیژندل سوی او په عمري بند محکوم سو. محکوم سوی کس او همدارنگه قربانیان ټول افغانان دي.
نوموړی سړی په دې تورن وو چي وژل سوې ښځه یې ۳۷ واره په چاړه وهلې ده او وروسته یې د هغې ۹ کلنه لور هم وژلې ده.
د برلین ایالتي محکمې د دوشنبه په ورځ نوموړی ۳۴ کلن د دوو قتلونو او غلا ته د هڅي په تور چي وژونکي عواقب یې درلودل، مجرم وباله. سربیره پردې قاضیانو د هغه جرم ډېر ځانگړی ارزولی دی چي پس له ۱۵ کلونو د هغه مشروط آزادیدل تقریباً ناممکن کوي.
د قاضیانو د هیئت رئیسې، سلویا بوش وویل چي محکمه پس له ۱۸ میاشتو ارزونو وروسته دې نتیجې ته ورسیده چي «پرته له تورن کس څخه بل هیڅ څوک د دغه وحشتناکه عمل مسئول نه دی.»
د محکمې په خبره، ۳۴ کلن تورن کس چي د موټرانو میخانیک وو او د وژل سوو کسانو په څیر افغان دی، په دې فکر وو چي د گاونډي کور په کانکریتي دیوالو کي ډیري پیسې پټي دي. دغه سړی چي د دریو کوچنیانو پلار دی، په وار وار قمار واهه او پیسې یې بایللې.
قاضیان دې نتیجې ته رسیدلي دي چي نوموړي کس د ډېر حرص او د یوه بل جنایت د پټولو په هدف دغه مور او لور وژلي دي.
د دغه سړي مدافع وکیلانو اعلان کړی دی چي له سره غور کولو له پاره به درخواست ورکړي. هغوی زیاته کړې چي د محکمې دغه حکم یوه تیروتنه ده او د هغه د برائت غوښتنه یې کړې ده.
د مدافع وکیلانو په خبره، د هغوی مؤکل د داسي یوه ویروونکي او له عصبانیته ډکه جرمي عمل د ترسره کولو له پاره هیڅ ډول انگیزه نه درلوده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.