په کابل او مزار شریف کې چاودنې

دعوت مېدیا ۲۴(ش،ګ،ل): په کابل او مزار شریف کې چاودنې په مزار شریف کې د پرله پسې چاودنو پخلی شوی. شاهدان وایي چې دا چاودنې ټپي او مرګ ژوبلې لري؛ خو لا تر اوسه یې کره شمیر او د چاودنې بڼه نه دی ښودل شوی. یو فلاینکوج ډوله موټر د دې برید موخه وه.

په ټولنیزو رسنیو کې د خپرې شوې ویدیو له مخې داسې ښکاري چې له موټر څخه یوازې درې تنه ژوندي وتلي او نور ټول شهیدان شوي دي. له بلخ سره کابل ښار هم نن درنې چاودنې ولړزاوه. ویل کېږي یاده چاودنه د کابل ښار ترافیک څلور لارې په جومات کې شوې ده، چې لا تر اوسه یې د مرګ ژوبلې او ټپیان په هکله کره معلومات نشته.

ځایي اوسیدونکي د دعوت میډیا ۲۴ سره په مرکه کې ویلي چې یاد جومات کې به له سلو تنو ډیر د جماعت لمانځه لپاره راتلل او اوس یې هم بیشمېره شهیدان او زخمیان روغتون ته لیږدولي. لاتر اوسه د وژل شو او ټپیانو کره شمېره نه ده معلومه. طالب چارواکی نه خپله ريشتیني معلومات له رسنیو سره شریکوي او نه خبریالان پریږدي چې کره معلومات تر لاسه کړي.

د ناتائید شوو راپورونو له مخې په کابل کې پنځه تنه مړه او شل ټپیان او په مزارشریف کې ۹ مړه او شل ټپیان شوي دي. او کیدای شي د وخت په تیریدو د مړو او ټپیانو شمېره لا زیاته شي.

 په مزار کې د نننۍ درې چاودنو او د کابل د چاودنې مسوولیت تر دې دمه کومه ډله نه ده منلې.