ګجرات لوبډلې د ای پي ایل سیاليو اتلولي وګټله

374

کرکټ؛ د ګجرات لوبډلې د 𝐈𝐏𝐋 سیالیو اتلولي وګټله

د هند لوی تجاري لیګ سیالۍ«ای پي ال» د ګجرات ټایټنز لوبډلې په بري پای ته ورسېدې.

ګجرات د دغه لیګ نوې لوبډله وه چې افغان لوبغاړی راشد خان یې مرستیال کپتان و.

د آی پي ال پایلوبه نن یکشنه د مۍ ۲۹ «غبرګولي اتمه» د هند د احمد اباد د نریندرا مودي په لوبغالي کې وشوه.

د راجستان رایلز لوبډلې پچه وګټله او لومړۍ یې د توپوهنې پرېکړه وکړه. دغې لوبډلې په ټاکل شویو ۲۰ اورونو کې د ګجرات لوبډلې ته د ۱۳۱ منډو هدف وټاکه چې د ګجرات لوبډلې دا هدف د دریو لوبغاړو په سوځېدو پوره کړ.

د ګجرات په لوبډلې کې درې افغان لوبغاړي راشد خان، رحمان الله ګربز او نور احمد لکڼوال هم شته خو یوازې راشد خان ته په دغه لیګ کې د لوبو چانس ورکړل شو.

راشد خان په نننۍ پایلوبې کې په څلورو اورونو کې یوازې ۱۸ منډې ورکړې او یو مخال لوبغاړی یې وسوځوه. دا لومړی ځل دی چې د ګجرات لوبډله د آی پي‌ ال اتلولي ګټي.

د ګجرات لوبډله د هند د کرکټ په دغه تجارتي لیګ کې په لومړي ځل داخل شوې ده.

د پایلوبې په اختتامیه پروګرام کې د هند د سینما وتلي ستوري رنویر کپور هم هنر ښودنه وکړه او یو شمېرو نورو هندي هنرمندانو هم هنري نندارې وړاندې کړې.

د آی پی ال په سږني سیزن کې لس ټیمونه وو چې د هند د لوبغاړو تر څنګ د نړۍ د بېلا بېلو هېوادونو مخکښ لوبغاړي په کې ولوبېدل.

همدغه راز دوه نور افغان لوبغاړي محمد نبي او فضل حق فاروقي هم په سږني لیګ کې وو. فاروقي په ټول لیګ کې د سنرایزر حیدراباد لپاره درې لوبې وکړې او دوه کسان یې اوټ کړل. دا یې د دغه لیګ لومړۍ لوبې وې.

خو د کوکلتې لوبډلې بل افغان لوبغاړي محمد نبي ته د لوبې هېڅ چانس ورنکړ. محمد نبي او راشد خان په تېرو کلونو کې د حیدراباد په لوبډلې کې لوبېدل.

دا لیګ هر کال یو ځل کېږي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.